Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
xeográficos non vinculaos a entidaes de
población, como los cursos d'agua o los
montes–, el nuestru conceyu dio un gran
reblagu con esta oficialización. Resolvióse
lo más importante, y fízose amás perbién:
partiendo de la llibre y contrastada
opinión de los más solventes espertos, sin
fadios debates sociales nin
cuestionamientos mayores, a pesar
d'introducise cambios y correcciones
dacuando chocantes en nomes y grafíes; y
contando, amás, cola unanimidá de la
Corporación Municipal y el total consensu
ente les Alministraciones local y rexonal.
Esi bon trabayu, y l'ambiente
cordial en que se desenvolvió, alendaron la
idea de facer el llibru qu'agora
presentamos, que con abondosu procuru
redactó n'asturianu —lo que publicamos en
papel na so traducción al castellanu— el
que daquella yera secretariu de la Xunta
Asesora de Toponimia, Ramón d'Andrés.
Xixón pon asina en circulación la so
particular biblia toponímica pa que, amás
de llamar pol so nome xenuín caún de los
llugares del conceyu, tengamos un
compendiu de tolo qu'hai que saber sobre
esos nomes oficiales: cómo se formaron, la
so etimoloxía, la so categoría xeográfica y
alministrativa, la referencia del llugar y la
so ubicación esacta en mapa del conceyu,
ente otres informaciones.
El nuestru conceyu pue presumir,
con toa seguranza, de tener una magnífica
y actualizada información territorial y
topográfica, y tamién de les calidables
ediciones de cartografía divulgativa sobre
les sos parroquies que vienen viendo la lluz
(a les doce que yá la tienen van sumase
nos próximos meses otres cinco; les ocho
restantes van completar los mapes
caleyeros antes del añu 2011). La nueva
nomenclatura oficial ye en parte un
desarrollu más d'esi mesmu procesu
d'ameyorar la información xeográfica que
se pon al serviciu d'una xestión
alministrativa modernizada y técnica. Y la
publicación del Diccionariu Toponímicu del
Conceyu de Xixón encuádrase, d'otra
manera, nos trabayos de recuperación
histórica que l'Ayuntamientu apoya y
promueve activamente de va cuantayá, lo
que xustifica incluir esti espléndidu llibru
na colección Memoria de Xixón. Ye de
xusticia espresa-y al autor, y a toles
persones que collaboraron na so
producción, la nuestra norabona y
reconocíu agradecimientu.
3
Xixón, abril del 2008
PAZ FERNÁNDEZ FELGUEROSO
Alcaldesa de Xixón