Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
diminutivu -icu -ica -ico tien nel asturianu
modernu un usu bastante escasu, pero
n’otres dómines foi usual abondo; vien del
llatín vulgar -ĪCCUM -ĪCCAM -ĪCCUM.
●Otres observaciones sobre’l nome: la
urbanización que se fizo nel llugar
conservó’l nome tradicional, y llámase Les
Castañaliques.
CASTAÑERA
Barriu de la parroquia de Deva. Códigu
alministrativu: 24.06.01. Nome oficial
anterior: «Castañera».
●Formación del topónimu: atopamos nesti
topónimu l’asturianu κ castañera, variante
femenina de castañeru ‘sitiu pobláu de
castañales’, formáu col nome del árbol
castañu (llamáu más corrientemente la
castañal) al que se-y amiesta’l sufixu
colectu -era.
●Etimoloxía: el sustantivu castaña procede
del llatín CASTANĔAM [kastáneam], col
mesmu significáu. El nome del árbol,
castañu, deriva directamente del llatín
CASTANĔUM [kastáneum], col sentíu
orixinariu de ‘relativu a les castañes’. El
sufixu colectivu -era vien del llatín -ARĬAM.
●Documentación histórica del topónimu: nel
Llibru del Cai, añu 1576, apaez lo que pue
ser una mención d’esti topónimu: «Joan de
Castañera». L’apaición de «Castañera»
n’otros documentos d’ámbitu non xixonés
reduz les probabilidaes de referise al llugar
de Deva.
El Castañéu de la Robellada
Llugar de la parroquia de Porceyo, barriu de
Casares.
●Formación del topónimu: esti topónimu
compuestu ta formáu de dos elementos
asturianos. El primeru ye’l sustantivu
castañéu ‘sitiu pobláu de castañales’, que
ye un deriváu del nome del árbol castañu
(más corrientemente la castañal) al que sey
amiesta un sufixu colectivu -éu. El
segundu elementu ye’l sustantivu robellada,
alteración bien frecuente de rebollada ‘sitiu
pobláu de rebollos o de rebolles’, un tipu de
carbayu. Quiciabes seya en realidá un
topónimu La Robellada, qu’aludiría a la
esistencia de rebollos n’otres dómines,
onde güei hai castañales; ver La
Rebollada. Escríbese en palabres xebraes,
porque caún de los elementos del
compuestu conserva’l so acentu propiu, nes
sílabes «ñéu» y «lla».
●Etimoloxía: el sustantivu castaña procede
del llatín CASTANĔAM [kastáneam], col
mesmu significáu. El nome del árbol,
castañu, deriva directamente del llatín
CASTANĔUM [kastáneum], col sentíu
orixinariu de ‘relativu a les castañes’. El
sufixu colectivu -éu vien del llatín -ĒTUM. Pal
orixe de robellada y rebollada, ver La
Rebollada.
El Castañéu del Caxellu
Llugar de la parroquia de Porceyo, barriu de
La Cerca Baxo.
●Formación del topónimu: esti topónimu
compuestu ta formáu de dos elementos
asturianos. El primeru ye’l sustantivu
castañéu ‘sitiu pobláu de castañales’; ver El
Castañéu de la Robellada. El segundu
elementu ye’l sustantivu caxellu
‘construcción onde viven, críen y almacenen
el miel les abeyes’ (en castellanu
«colmena»). Escríbese en palabres xebraes,
porque caún de los elementos del
compuestu conserva’l so acentu propiu, nes
sílabes «ñéu» y «xe».
●Etimoloxía: pal orixe de castañéu, ver El
Castañéu de la Robellada. Pela so parte,
caxellu ye un deriváu históricu de caxa, que
vien del llatín CAPSAM ‘caxa’, más el sufixu
diminutivu -iellu, del llatín -ĔLLUM [-él lum].
El Castañéu del Granxu
Llugar de la parroquia de Porceyo, barriu de
La Cerca Baxo.
●Formación del topónimu: esti topónimu
compuestu ta formáu de dos elementos
asturianos. El primeru ye’l sustantivu
castañéu ‘sitiu pobláu de castañales’; ver El
Castañéu de la Robellada. El segundu
elementu ye’l sustantivu granxu ‘prau
pequeñu que produz poco’; ver El Granxu.
Escríbese en palabres xebraes, porque caún
de los elementos del compuestu conserva’l
so acentu propiu, nes sílabes «ñéu» y
«gran».
●Etimoloxía: pal orixe de castañéu, ver El
Castañéu de la Robellada. Pal orixe de
granxu, ver El Granxu.
●Referencia al llugar: nos mapes esti
topónimu venía conseñáu por error dientro
58