Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
Sueve o El Xueve (Piloña, Parres, Colunga)
‘el monte de Xúpiter’; La Pena Sobia
(Teberga) ‘la peña de Xúpiter’; Xubín
(Teberga) ‘de Xúpiter’; o Xarraxubín
(Valdés) ‘sierra de Xúpiter’. El xentiliciu de
Xove ye xoveru -a -o.
El Lauredal
Llugar del distritu Oeste, parroquia urbana
de Jove / Xove, barriu de Xove de Riba.
●Formación del topónimu: topónimu
formáu col nome castellanu d’una finca, «El
Lauredal», onde atopamos el sustantivu
lauredal ‘sitio poblado de laureles’.
●Etimoloxía: el castellanu lauredal ye un
deriváu de laurel que vien del occitanu
laurier, un deriváu de laur, procedente del
llatín LAURUM ‘lloréu’. L’equivalente asturianu
ye lloréu o lloreda; ver Lloreda, Llorea y
El Llorente.
●Referencia al llugar: dende 1986 hai na
zona un parque llamáu El Lauredal, pol
nome de la finca que yera de la familia
Paquet, motivu pol que se conocía tamién
como La Casa Paquet.
Laviada
Barriu y llugar del distritu Centro.
●Formación del topónimu: esti topónimu ta
formáu col apellíu Laviada, pol que la xente
conocía la fábrica de fundición afincada nel
llugar, que se llamó, sucesivamente,
«Laviada» (1850), «Julio Kessler, Laviada y
Compañía» (creada en 1901), «Laviada y
Compañía» y –fusionada con «La
Industria»– «La Industria y Laviada», nome
que conservó dende 1950 hasta 1983, en
que peslló definitivamente. L’apellíu Laviada
debíase al cofundador de la fábrica, llamáu
Juan Díaz Laviada.
●Etimoloxía: l’apellíu Laviada ye la
castellanización del topónimu Llaviada,
qu’esiste nos conceyos d’Uviéu o Bual, y
con artículu La Llaviada en Colunga, Amieva
y Piloña. L’apellíu De la Laviada o De la
Labiada –quiciabes pronunciáu con «ll»]–
ye frecuente na documentación municipal
de Xixón del sieglu XVI. Procede del llatín
LAPĬDĀTAM [lapidátam] ‘de piedra’, nuna
espresión del tipu TĔRRAM LAPĬDĀTAM ‘tierra
109
con piedres’, deriváu de LAPĬDEM [lápidem]
‘piedra’ 25 .
●Referencia al llugar: la fábrica de Laviada,
dedicada a la esmaltería de fierro, ocupaba
l’espaciu comprendíu ente la cai L’Infiestu
hasta la cai Fortuna Balnearia, y dende la
cai Magnus Blikstad hasta l’avenida
Portugal. Nos terrenos de l’antigua fábrica
construyóse en 1983 un parque, que caltién
el nome de Laviada.
LEORIO / LLORIO
Parroquia. Códigu alministrativu: 24.14.00.
Nome oficial anterior: «Leorio».
●Formación del topónimu: palabra non
reconocible nel asturianu actual a nun ser
como topónimu.
●Etimoloxía: nuna primer impresión, l’orixe
de Llorio podría relacionase col sustantivu
asturianu lloréu ‘Laurus nobilis, árbol de
fueya non cayedizo de color verde escuro y
arumoso, que da flores blanques y
pequeñes’ (en castellanu «laurel»). Pero hai
que tener en cuenta que la forma
asturiana, primero de Llorio tuvo que ser
Lleorio, representada na documentación
medieval pola grafía «Leorio» con una l-
inicial que debía pronunciase ll- (la so
castellanización ye «Leorio», escrito y
pronunciao con l- inicial). Polo tanto, la
relación etimolóxica con lloréu ye bien
difícil, porque la [ó] tónica de Llorio
orixínase na fusión d’una primitiva
secuencia -eo-. Les formes medievales
«Laudorio» y «Ledorio» (pronunciábense
con «ll-» inicial) suxeren delles
procedencies, nenguna d’elles segura pel
momentu. «Laudorio» dexa suponer un
orixe nel llatín LAUDATŌRĬUM ‘laudatoriu,
allabador, que val p’allabar, emponderar o
exaltar (a Dios)’, aplicao a un santuariu,
deriváu del verbu LAUDĀRE ‘allabar,
emponderar’. Tamién almite la hipótesis
d’un orixe nel llatín LAVATŌRĬUM [lawatórium]
‘llavaderu’, del verbu LAVĀRE [lawáre]
‘llavar’, o bien d’una forma llatino-vulgar
*LAUTŌRĬUM ‘llavaderu’, deriváu del axetivu
LAUTUS ‘llaváu, bañáu, llimpiu’. La forma
25 Ye inverosímil ver equí l’ast. llaviada
‘caxada, güesu de la parte inferior de la
boca onde encaxen los dientes y les
mueles’, que vien d’un deriváu del llatín
CLAVIS ‘llave, barra, clavía’.