Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
La Iglesia
Llugar de la parroquia de Vega, barriu de
Vega de Riba.
●Ver l’anterior.
La Ilesia
Llugar de la parroquia de Samartín de
Güerces, barriu de Cagüezo.
●Formación del topónimu: topónimu
formáu col sustantivu asturianu ilesia
‘edificiu públicu dedicáu al cultu cristianu’.
Más en concreto, nes parroquies rurales
asturianes los topónimos del tipu Ilesia o
Iglesia refiérense al llugar o zona onde ta la
ilesia parroquial, como referencia
topográfica reconocible onde pue crecer un
nucleu de población diferenciáu.
●Etimoloxía: ilesia procede del llatín vulgar
ECLĒSĬAM [eklésiam], alteración del llatín
clásicu ECCLĒSĬAM, palabra tomada del
griegu EKKLÊSÍA ‘conceyu de xente,
asamblea convocada’ (del verbu EKKALÉÔ
‘convocar, llamar a conceyu’), que s’aplicó a
les reuniones de los primeros cristianos pa
celebrar el cultu; d’aende acabó
designando’l colectivu de los cristianos y el
templu onde se fai’l cultu.
●Otres observaciones sobre’l nome: anque’l
términu normativu asturianu ye ilesia nel
DALLA, la variante iglesia ye tamién
autóctona. Nel procesu de recuperación y
oficialización de la toponimia asturiana,
síguese’l principiu de respetar la variante
propia de los falantes del llugares, y por
eso nunos sitios oficialízase La Ilesia y
n’otros La Iglesia.
L’Infanzón
Llugar de la parroquia de Cabueñes, barriu
de La Pontica.
●Formación del topónimu: ta presente
equí’l sustantivu κ infanzón ‘noble superior a
un fidalgu y inferior a un ricu home, fidalgu
que tien potestá limitada sobre les sos
herencies’.
●Etimoloxía: infanzón provién del llatín
vulgar INFANTIŌNEM, aumentativu de
INFANTEM ‘xoven noble’, que de mano
significaba ‘que nun fala, neñu que tovía
nun fala’ (de IN- prefixu negativu y FARE
‘falar’).
La Iría
105
Llugar de la parroquia de Deva, barriu de
Zarracina.
●Formación del topónimu: tenemos equí’l
sustantivu asturianu κ iría, variante d’ería,
que se define como ‘cortinal, estensión de
tierres ensin zarru, d’amos diferentes
sometíes a usos comunales’, ‘tierra dividida
en faces’. Trátase d’un colectivu col sufixu -
ía, a partir del sustantivu era ‘terrenu onde
se sema’.
●Etimoloxía: era procede del llatín ARĔAM
[áream] ‘superficie, tierra, terrenu vacu o
ensin edificar, solar’.
●Otres observaciones sobre’l nome:
topónimu bien estendíu pel centru
d’Asturies. Amás de los qu’atopamos nel
mesmu conceyu de Xixón (ver siguientes),
tenemos tamién, ente otres, La Iría en
Gozón, Siero, Sariegu, Uviéu, Llanera,
Corvera, Carreño, Caravia, etcétera.
La Iría
Llugar de la parroquia de La Pedrera, barriu
d’Arroyo.
●Ver l’anterior.
La Iría
Llugar de la parroquia de Somió, barriu d’El
Pisón.
●Ver l’anterior.
La Iría
Llugar de la parroquia de Serín, barriu
d’Arroyo.
●Ver l’anterior.
●Referencia al llugar: nesti llugar
atopáronse restos romanos, de los que yá
Gregorio Menéndez Valdés da sabencia en
1779, citando murueques d’un templu y
medalles de Vespasiano.
La Iría l’Otero
Llugar de la parroquia de Fano, barriu de
Zalce.
●Formación del topónimu: topónimu
compuestu formáu por dos elementos. El
primeru ye’l sustantivu asturianu κ iría,
variante d’ería ‘tierra que se sema’ (ver La