Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
●Formación del topónimu: formen esti
topónimu compuestu dos elementos: el
sustantivu asturianu casa y l’apellíu
Cadavieco, puestu en plural pa referise al
conxuntu de los miembros de la familia.
Escríbense en palabres xebraes, porque
caúna d’elles conserva l’acentu propiu, nes
sílabes «ca» y «vie». Prescíndese de la
preposición de (nun principiu sería La Casa
de los Cadaviecos), fechu mui corriente nel
asturianu cuando ta precedida de vocal: un
vasu lleche, la casa Xuan, etc.
●Etimoloxía: el sustantivu casa provién del
llatín CASAM [kásam], que significaba
‘cabaña, chamizu’. Nel orixe del apellíu
Cadavieco debe haber un topónimu deriváu
de cádabu o cádaba; ver Caraveo.
●Otres observaciones sobre’l nome: la
denominación usada nos mapes oficiales
hasta agora yera El Celleru, que la xente
nun reconoz como propia pa referise a esti
llugar.
La Casa Noriega
Llugar de la parroquia de San Andrés de los
Tacones, barriu de Villar.
●Formación del topónimu: formen esti
topónimu compuestu dos elementos: el
sustantivu asturianu casa y l’apellíu
Noriega. Escríbense en palabres xebraes,
porque caúna d’elles conserva l’acentu
propiu, nes sílabes «ca» y «rie».
Prescíndese de la preposición de (nun
principiu sería La Casa de Noriega), fechu
mui corriente nel asturianu cuando ta
precedida de vocal: un vasu lleche, la casa
Xuan, etc.
●Etimoloxía: el sustantivu casa provién del
llatín CASAM [kásam], que significaba
‘cabaña, chamizu’. L’apelliu Noriega
procede del topónimu Noriega, parroquia y
llugar del conceyu de Ribadeva, que podría
derivar del nome nora ‘regatu, regueru’, col
sufixu -iega, pa significar ‘sitiu onde hai
munchos regueros’ (ver Ñora). Esti sufixu
ye resultáu d’evolucionar el sufixu llatín
hispánicu -AECUM [-áekum] o -ĔCUM [ékum],
tomáu de dalguna llingua
prerromana de la Península.
La Casa’l Monte
Llugar de la parroquia de Ruedes, barriu de
La Figar.
●Formación del topónimu: formen esti
topónimu compuestu dos sustantivos
asturianos, casa y monte. Escríbense en
palabres xebraes, porque caúna d’elles
conserva l’acentu propiu, nes sílabes «ca» y
«mon». Prescíndese de la preposición de
(nun principiu sería La Casa del Monte),
fechu mui corriente nel asturianu cuando ta
precedida de vocal: un vasu lleche, la casa
Xuan, etc.
●Etimoloxía: el sustantivu casa provién del
llatín CASAM [kásam], que significaba
‘cabaña, chamizu’. El sustantivu monte
remanez del llatín MŎNTEM [móntem], col
mesmu significáu; ver El Monte.
●Documentación histórica del topónimu: el
diccionariu xeográficu de Madoz (1845-50)
recueye esti topónimu como «Casa del
Monte», coles característiques típiques de
munches castellanizaciones, a saber:
desaniciu del artículu y usu de la
preposición «de» que la fala popular
refuga.
CASARES
Barriu de la parroquia de Porceyo. Códigu
alministrativu: 24.17.01. Nome oficial
anterior: «Casares».
●Formación del topónimu: ye’l sustantivu
asturianu casares, plural de casar, que
tanto pue significar ‘conxuntu de cases’,
como ‘murueca, restos de piedra que
s’axunten al esbarrumbar una construcción’.
Trátase d’un deriváu de casa col sufixu
colectivu -ar.
●Etimoloxía: el sustantivu casa provién del
llatín CASAM [kásam], que significaba
‘cabaña, chamizu’. El sufixu colectivu -ar ye
resultáu evolutivu del llatín -AREM [-árem].
Según otra interpretación, l’aniciu de
Casares taría nun singular casar procedente
de κ casal, que remontaría al llatín CASALEM
[kasálem] ‘de la casería’, ‘llende de la
casería’.
●Documentación histórica del topónimu: nel
Llibru del Cai, añu 1566, atopamos posibles
menciones d’esti topónimu: «Albaro de
Casares, alcalde de conzejo»; «Françisco de
Casares, alcalde de conzejo». Lo mesmo
nel Llibru Ordinariu: «y en Casares a
Fernando Garçia de Poago por alcalde
Hermandad» (añu 1576); «y en Porzello
nonbro a Alvaro de Casares» (añu 1577).
56