Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
Parroquies, añu 1385). Testimonios de Valle
de Ranon: «de hereditate mea nomine
Salze, que est sita in alfoz de Siero, in ualle
de Ranon» (documentu del Monesteriu de
San Vicente d’Uviéu-1, añu 1144); «in
Gigone, in ualle de Ranon» (Monesteriu de
San Vicente d’Uviéu-1, añu 1182).
Testimonios de Valderranón: «Valderranon»
(añu 1440). El Catastro del Marqués de la
Ensenada (1752) cita’l nome d’esta
parroquia como «Santa Eulalia de
Baldornon», «santa Heulalia de Baldornon»,
y mesmamente «la Parrochia de
Balbornon», con un claru error de
trescripción. El diccionariu xeográficu de
Madoz (1845-50) refierse a «Baldornon ó
Val-de-Ornon» (una falta intepretación del
topónimu), «Baldornon», y lo mesmo fai
Lucas María Palacios nel so «Plano
Topográfico del Concejo de Gijon» (1873).
Nos mapes de los sieglos XVII y XVIII,
realizados en su mayoría por cartógrafos
extranjeros, aparece sistemáticamente con
la forma «Valdornon». Pa cabu, nel sieglu
XVI la forma «Baldarnon» xeneró variantes
como «Barnaldon» y «Balnaldon», que nun
tuvieron continuidá, y nes que quiciabes
influyó’l nome Bernaldo o Barnaldo. Nel
Llibru del Cai atopamos: «Sobre lo qual el
dicho Joan Moran, regidor, dixo que por sy
y en nombre de la alcaldia de Barnaldon…»
(añu 1563); «Alonso Menendez, vezino de
Fano, cobrador de las bulas de Santa Olaya
y Fano de Barnaldon, deste concejo de
Gijon», «reçibio mas el padron de la yglesia
de Santa Olaya de Balnaldon» (añu 1567).
Y nel Llibru Ordinariu atopamos: «E luego,
en este terçio de Baldarnon, hecharon por
otro alcalde», «y en el terçio de Baldarnon
a Lorenzo Sanchez de Çifuentes», «y en el
dicho terçio de Baldarnon a Juan de
Carçedo», «y por el terçio de Barnaldon a
Toribio de Costales» (añu 1576); «en el
terçio y alcaldia de Baldarnon», «y este año
cabia el juez ydalgo al terçio de
Barnaldon», «en la alcaldia de Baldarnon»,
«en el tercio de Baldarnon», «otras quatro
felegresias en Barnaldon» (añu 1577); «E
luego echaron por el terçio de Barnaldon»
(añu 1578). Convién tener en cuenta
tamién les cites onde esti topónimu va
precedíu de l’advocación relixosa Santa
Olaya, que puen referise a la parroquia; ver
Santolaya.
204
●Otres observaciones sobre’l nome: el
nome hasta agora oficial, «Baldornón»,
recuéyese na tradición escrita de los
últimos sieglos, xunto con Valdornón.
D’acordies colos modernos criterios de
regularización ortográfica, Valdornón tien
que s’escribir con «v», puesto que
l’elementu Val- provién claramente de valle.
Ranón ye’l nome que lleven güei dos
llugares d’Asturies, ún en conceyu Valdés
(parroquia de Caneiru) y otru en conceyu
de Sotu’l Barcu.
Valles
Llugar del distritu Sur, barriu de Roces.
●Formación del topónimu: topónimu
formáu col sustantivu asturianu valles,
plural de valle ‘terrenu o territoriu allargáu
ente montes, ente tierres altes’.
●Etimoloxía: del llatín VALLEM [wál lem], col
mesmu significáu; el plural vien de VALLES
[wál les].
El Vallín
Llugar de la parroquia de Caldones, barriu
de Garbelles.
●Formación del topónimu: trátase del
sustantivu asturianu vallín, diminutivu de
valle, pente medies del sufixu -ín. Significa,
polo tanto, ‘valle pequeñu’, anque pue
garrar el sentíu específicu de ‘valle
emprunu y zarráu’.
●Etimoloxía: valle vien del llatín VALLEM
[wál lem], col mesmu significáu. El sufixu -
ín vien del llatín -ĪNUM.
El Vallín
Llugar de la parroquia de Llavandera, barriu
de La Bovia.
●Ver l’anterior.
EL VALLÍN
Barriu de la parroquia de Serín.
●Formación del topónimu: ver l’anterior.
●Etimoloxía: ver l’anterior.
●Documentación histórica del topónimu:
siendo un topónimu abondosu n’Asturies,
citamos namás exemplos que por cercanía
xeográfica podríen referise a El Vallín de
Serín: «Testigos: […] Alffonso Pérez de