Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
garrapata), que n’últimu términu sería una
voz prerromana qu’aludiría a l’acción de
garrase fuertemente al pelleyu.
Los Gavilanes
Llugar de la parroquia de Serín, barriu d’El
Sisiellu.
●Formación del topónimu: nome formáu col
asturianu gavilanes, plural de gavilán
‘Accipiter nisus, páxaru de presa diurnu de
papu rayáu y de tamañu pequeñu que caza
paxarinos’. A falta d’otros datos, habría que
pescudar si fai referencia directa al páxaru,
o bien ye un nomatu de persona.
●Etimoloxía: orixe desconocíu. Quiciabes
venga del góticu *GABILA, *GABILANS ‘forcón’,
n’alusión a la forma de les garres.
●Referencia al llugar: nome d'un monte y
un camín ente El Sisiellu (parroquia de
Serín) y Picún (L’Abadía Cenero).
La Gayola
Llugar de la parroquia de Castiello
Bernueces, barriu de Castiello Bernueces.
●Formación del topónimu: topónimu
formáu col nome modernu d’una finca del
llugar, llamada La Gayola. Esti nome paez
tar formáu pol sustantivu asturianu gayola
‘allegría’.
●Etimoloxía: gayola ‘allegría’ provién del
occitanu gai ‘allegre’, procedente del llatín
GAUDĬUM [gáudium] ‘gociu’, con un sufixu
diminutivu.
GIJÓN / XIXÓN
Zona urbana y capital del conceyu. Códigu
alministrativu: 24.09.00. Nome oficial
anterior: «Gijón».
●Formación del topónimu: palabra non
reconocible nel asturianu actual fuera del
usu como topónimu 19 .
⎯Formes asturiana Xixón y castellana
Gijón: nun principiu, el nome asturianu y
castellanu de Gijón / Xixón yera
esactamente’l mesmu: na Edá Media
[ZeZón] o [ZiZón], pronunciao como la «j»
del francés o del catalán y escrito con «g»,
19 Cualesquier relación con xixu ‘xixa’,
‘xuiciu, capacidá pa razonar, pa pensar’ ye
puramente casual.
con «j» o con «i», nuna alternancia de
formes como Gegion, Gigion, Gijon, Gigon,
Jijon, Giion, y otres. Pa los sieglos XIV-XV,
la pronunciación ensórdase en [S], de
manera qu’igual n’asturianu qu’en
castellanu dicíase [SiSón], con una
pronunciación equivalente a l’actual «x»
asturiana, calteniendo la escritura como
Gigion o Gijon, y apaeciendo una grafía
nueva, del tipu Jixon, Xijon o Xixon.
Depués, de magar los sieglos XVI-XVII
produzse la discrepancia que llega hasta
güei: l’asturianu caltuvo la pronunciación
[SiSón] cola grafía Xixón, mentres que’l
castellanu camudó la [S] na actual
pronunciación de la so «j» velar
característica, conservando sin embargu
l’antigua grafía Gijón. En resultes, pue
dicise que l’asturianu caltién la
pronunciación antigua con una grafía
moderna, y el castellanu caltién la grafía
antigua con una pronunciación moderna.
●Etimoloxía: Xixón ye un topónimu d’orixe
desconocíu. De va más de dos sieglos,
diversos especialistes tentaron d’establecer
hipótesis sobre la procedencia y significáu
primitivu de Xixón. Equí vamos esponer les
más sobresalientes, mirando d’estremar les
hipótesis científicamente fundamentaes,
d’aquelles que nun pasen de ser curiosidaes
ensin base.
Dende dellos ámbitos eruditos sostiénse,
polo menos dende’l sieglu XVIII, la
hipótesis de que Xixón (castellanu «Gijón»)
procedería del nome de l’antigua ciudá de
GIGĬA [guíguia], basándose no que diz
Tolomeo, cronista griegu de l’Antigüedá,
que la alluga en territoriu de los astures. De
xuru que’l paecíu fonéticu y gráficu ente los
dos nomes convida a identificalos. L’ésitu
d’esta tesis fizo fortuna popularmente hasta
l’actualidá: asina, l’asociación de vecinos de
Cimavilla llámase «Gigia», y esti nome
tienen usáola comercialmente delles
empreses. Apaez tamién como verdá
asentada en toa mena de llibros, artículos o
investigaciones que falen de la historia de
la ciudá y conceyu, a nun ser los que tán
escritos por llingüistes profesionales.
Porque, n’efectu, estos va cuantayá que
tienen abandonao la hipótesis de GIGĬA, y
en nengún estudiu filolóxicamente seriu se
cita como verosímil esi orixe. Yá Xovellanos
dudaba d’esta hipótesis, y depués otros
94