Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
●Etimoloxía: parchís provién del inglés
parcheese, palabra tomada del indostánicu
PACĪSĪ, de PACĪS ‘venticinco’.
●Referencia al llugar: esta plaza teníala yá
proyectao Xovellanos nel so «Plan de
Mejoras» de 1782, asociada a la
construcción del edificiu nuevu del
Institutu, inauguráu en 1794 nel edificiu de
Cimavilla enfrente la so casa. En 1798
entamen les obres del nuevu Institutu na
plaza que güei lleva esi nome (o El Parchís),
y en 1807 acábase la primer planta,
acordies col proyectu primitivu. Dende 1876
hasta 1936, l’espaciu de la plaza desapaeció
al ocupalu tou El Mercáu del Fierro o
«Mercado de Jovellanos», fechu de fierro y
cristal. Depués de derribáu esti, y acabada
la Guerra Civil, la plaza renaz con un
parterre central y cuatro nes esquines,
asemeyáu a un tableru de parchís.
●Otres observaciones sobre’l nome: la
primer denominación que tuvo, a
comienzos del sieglu XIX, foi «Plaza de la
Estacada», por unes estaques qu’impedíen
el pasu de les caballeríes a la plaza; nella
taba tamién la fonte llamada La Estacada.
Dende 1937 a 1979 llamóse «Plaza del
Generalísimo», antes de dáse-y el nome
actual de «Plaza del Instituto» o La Plaza
l’Instituto.
La Parea
Llugar de la parroquia de Valdornón, barriu
de Riosecu.
●Formación del topónimu: topónimu
formáu col sustantivu asturianu parea
(tamién parede o paré) ‘construcción
allargada y alta de lladriyos o de piedres
que val p’acotar espacios’, ‘terrenu o cuesta
pindia enforma’, ‘llau vertical d’un monte’
(en castellanu «pared»). Na toponimia vien
a ser un sinónimu de muria (en castellanu
«muro»); ver La Muria.
●Etimoloxía: del llatín PARIĒTEM [pariétem]
procede l’asturianu parede y paré. Al
formase’l plural, resulta parees, d’au se
reinterpretó un singular parea (a imitación
de marees – marea).
La Parea los Teyeros
Llugar de la parroquia de Deva, barriu de
La Olla.
144
●Formación del topónimu: topónimu
compuestu formáu por dos elementos. El
primeru ye’l sustantivu asturianu parea (ver
La Parea). El segundu ye’l sustantivu
asturianu teyeros, plural de teyeru, que pue
significar ‘teyáu cubiertu de teya’ o ‘persona
que fai, viende o pon teya’. Nun pue dexase
a un llau la posible relación con teyera ‘sitiu
o fábrica onde se faen teyes o lladriyos’.
Prescíndese de la preposición de (de mano
sería La Parea de los Teyeros), fechu mui
corriente nel asturianu cuando ta precedida
de vocal: un vasu lleche, la casa Xuan, etc.
Esti topónimu escríbese en palabres
xebraes, porque caúna d’elles caltién el so
acentu propiu, nes sílabes «re» y «ye».
●Etimoloxía: pal orixe de parea, ver La
Parea. Pa la etimoloxía de teyeru, ver La
Teyera.
Los Pares
Llugar de la parroquia de L’Abadía Cenero,
barriu de Carbaínos.
●Formación del topónimu: ye posible que
pares nun seya otro que’l plural del
sustantivu asturianu par ‘conxuntu de dos
persones o coses de la mesma especie’, o
bien del axetivu par ‘divisible ente dos’,
aplicao a tierres.
●Etimoloxía: del llatín PAREM [párem] ‘igual,
asemeyáu, par’; en plural PARES.
El Parque
Llugar del distritu Este, barriu d’El Bibio-
Parque.
●Formación del topónimu: el topónimu El
Parque fórmase a partir de la espresión El
Parque Isabel la Católica, o «Parque de
Isabel la Católica». El sustantivu parque
significa ‘sitiu d’una población que tien
arboláu, plantes, asientos y que ta acotáu
pa pasiar o pa xugar’.
●Etimoloxía: parque provién del francés
parc, que n’orixe significaba ‘mayada de
ganáu’, ‘cierru con plantes destináu a la
folganza’, procedente del baxu llatín
PARRĬCUM [párrikum] ‘graneru, cierru,
mayada’.
●Referencia al llugar: la zona de la ciudá
denominada El Parque toma’l nome del
«Parque de Isabel la Católica», entamáu a
construir en 1941 sobre unes tierres
llamarguices que’l ríu Piles y la mar