Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
●Referencia al llugar: nome d’una fonte y
d’una casa.
Los Pingones
Llugar de la parroquia de Samartín de
Güerces, barriu d’El Monte.
●Formación del topónimu: tenemos equí’l
sustantivu asturianu pingones, plural de
pingón; ver El Pingón.
●Etimoloxía: ver El Pingón.
●Otres observaciones sobre’l nome:
siéntese tamién dicir El Pingón, variante
popular en singular.
Pinzales
Llugar de la parroquia de L’Abadía Cenero,
barriu de La Robellada.
●Formación del topónimu: palabra non
reconocible nel asturianu actual fuera del
usu como topónimu.
●Etimoloxía: desconozse de cierto. Según
una hipótesis, taríemos ante una variante
del asturianu panizales, plural de panizal
‘tierra semada de panizu o de paniza’,
nomes de plantes, más el sufixu -al, que se
refier a un sitiu onde abonda daqué. Sobre
la etimoloxía de panizu y paniza, ver
Paniceres. El sufixu colectivu plural -ales
provién del llatín -ĀLES. Otra hipótesis ye
que Pinzales tenga que ver col axetivu
pindiu ‘que tien cuesta, que ta inclináu (un
camín, un prau, un monte)’, aludiendo a un
sitiu con munches cuestes. Pindiu debe
provenir d’un participiu fuerte en relación
col verbu llatín PENDĒRE [pendére] ‘colgar’,
d’au tamién procede pendiente.
●Referencia al llugar: Pinzales ye tamién el
nome d’un afluente que s’amieste col ríu
Aboño en Veriña.
●Documentación histórica del topónimu:
«Alvar Gonzaliz de Pinçales, notario en el
dicho concello de Gigion» (Monesteriu de
San Pelayo d’Uviéu, añu 1399). Nel sieglu
XIV rexístrase «Pinçales», «[la cuesta] de
Pinzales». Nel Llibru del Cai apaez con «ç»
o con «z»: «Toribio Gonçalez de Pinçales,
juez por Su Magestad» (añu 1566),
«Gonzalo de Pinçales» (añu 1567), «Torivio
de Pinzales» (añu 1574). La mesma
oscilación se rexistra nel Llibru Ordinariu:
«Toribio de Pinçales», «Toribio de Pinzales»
(añu 1576); «Toribio de Pinzales», «Toribio
de Pinçales» (añu 1577); «e a Gonçalo de
157
Pinçales, labrador» (añu 1578). Nos
Protocolos Notariales del Conceyu de Xixón:
«Domingo Garçia de Somonte, clerigo
presbitero beçino del lugar de Pinçales
deste conçejo» (añu 1650).
●Otres observaciones sobre’l nome: ye
posible oyer como nome pal ríu Pinzales el
de ríu Pigüeña, quiciabes polos vaqueiros
de Somiedu que n’otres dómines llegaron al
llugar. Por mor d’una estación de tren
llamada Pinzales, ye corriente que con esti
nome se faiga referencia al barriu enteru de
La Robellada.
PIÑERA
Barriu de la parroquia de L’Abadía Cenero.
Códigu alministrativu: 24.05.08. Nome
oficial anterior: «Piñera».
●Formación del topónimu: tendríemos nesti
topónimu, quiciabes, el sustantivu asturianu
κ piñera ‘manantial’, ‘estanque, banzáu’. Si
ye asina, nun tendría relación, a pesar de
les apariencies, con piña ‘frutu del pinu’, nin
con peña ‘piedra’, nin con peñera ‘utensiliu
cimpuestu por un aru anchu que lleva
suxeta per un estremu una rede de tela
metálico, colos furacos mui pequeños pa
desamecer los pedazos finos de los gordos
d’una sustancia pasándolo per él’ (en
castellanu «cedazo»).
●Etimoloxía: desconozse de ciertes. Ye
posible qu’esta piñera ‘manantial o
estanque’ tea relacionada con pellu o peyu,
que significa ‘zapica o xarra pa la lleche’,
pero tamién ‘manantial pequeñu’,
‘fontiquina onde se recueye l’agua nun
espaciu pequeñu y redondu’, ‘pila d’agua’.
Taríemos entós ante un deriváu col sufixu -
era (del llatín -ARĬAM), del tipu *peyera,
*piyera o *piñera, con una confusión de
«y» y «ñ» como la qu’apaez en moyón o
muñón, magaya o magaña.
●Documentación histórica del topónimu: ye
difícil precisar si les menciones a esti
topónimu faen referencia al llugar de
L’Abadía Cenero, o al de Serín. Asina, nel
Llibru Ordinariu: «e nonbró a Pedro
Fernandez de Piñera» (añu 1577); «Pedro
Fernandez de Piñera» (añu 1578).
LA PIÑERA
Barriu de la parroquia de Serín.
●Formación del topónimu: ver l’anterior.