Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
‘güertu, terrenu zarráu onde se sema’ (ver
La Llosa). El segundu ye’l sustantivu
asturianu cura ‘home consagráu pola Ilesia
católica pa dar los sacramentos y dicir
misa’, entendíu como posesor de la llosa.
Prescíndese de la preposición de (sería de
mano La Llosa del Cura), fechu mui
corriente nel asturianu cuando ta precedida
de vocal: un vasu lleche, la casa Xuan, etc.
Esti topónimu escríbese en palabres
xebraes, porque caúna d’elles caltién el so
acentu propiu, nes sílabes «llo» y «cu».
●Etimoloxía: pa la etimoloxía de llosa, ver
La Llosa. Pela so parte, cura ‘sacerdote’
deriva de cura ‘cuidáu, sanamientu’,
n’alusión al cuidáu de les almes; procede
del llatín CŪRAM ‘cuidáu’.
Les Lloses
Llugar de la parroquia de Caldones, barriu
de Robleo.
●Formación del topónimu: trátase del
sustantivu asturianu lloses, plural de llosa
‘güertu, terrenu zarráu onde se sema’. Ver
La Llosa.
●Etimoloxía: ver La Llosa.
La Llosica
Llugar de la parroquia de La Pedrera, barriu
d’Arroyo.
●Formación del topónimu: trátase del
sustantivu asturianu llosica, diminutivu de
llosa ‘güertu, terrenu zarráu onde se sema’.
Ver La Llosa. El sufixu -icu -ica -ico nun
ye’l más usáu n’asturianu pa formar
diminutivos, pero’l so usu popular ta
perfectamente constatáu na fala actual y na
toponimia. Procede del llatín vulgar -ĪCCUS -
ĪCCA -ĪCCUM.
●Etimoloxía: ver La Llosa.
El Llosín
Llugar de la parroquia de Serín, barriu d’El
Sisiellu.
●Formación del topónimu: trátase del
sustantivu asturianu llosín, diminutivu de
llosu ‘llosa pequeña’, siendo llosa ‘güertu,
terrenu zarráu onde se sema’. Ver La
Llosa.
●Etimoloxía: llosu procede o bien d’un
masculín fechu sobre llosa, o bien
119
directamente del llatín CLAUSUM [kláusum]
‘sitiu zarráu o cercáu’, deriváu del participiu
del verbu CLAUDĔRE [kláudere] ‘zarrar’. Ver
La Llosa. El sufixu diminutivu -ín procede
del llatín -ĪNUM.
La Llosona
Llugar de la parroquia de L’Abadía Cenero,
barriu de Veranes.
●Formación del topónimu: trátase del
sustantivu asturianu llosona, aumentativu
de llosa ‘güertu, terrenu zarráu onde se
sema’. Ver La Llosa.
●Etimoloxía: ver La Llosa. El sufixu
aumentativu femenín -ona ye una creación
a partir del masculín -ón, del llatín -ŌNEM [ónem].
●Otres observaciones sobre’l nome: nos
mapes venía como «Les Espineres», nome
que la xente nun identifica col llugar.
Les Llosones
Llugar de la parroquia de Llavandera, barriu
d’El Monte.
●Formación del topónimu: trátase del
sustantivu asturianu llosones, plural de
llosona, aumentativu de llosa ‘güertu,
terrenu zarráu onde se sema’. Ver La Llosa
y La Llosona.
●Etimoloxía: ver La Llosa y La Llosona.
Les Llosones
Llugar de la parroquia de Llavandera, barriu
de La Bovia.
●Ver l’anterior.
●Otres observaciones sobre’l nome:
aparecía en los mapas oficiales como La
Llosona, variante popular en singular.
Machacón
Llugar del distritu Sur, barriu de Nuevo
Gijón / La Peral.
●Formación del topónimu: topónimu
formáu probablemente a partir d’un nomatu
de persona, del axetivu asturianu
machacón -ona -ono ‘que machaca’, ‘dau a
machacar’, ‘poco amañosu pa trabayar’.
●Etimoloxía: machacar vien quiciabes d’un
deriváu de mayu ‘martiellu grande que
s’emplega na fragua’, del llatín MALLĔUM