Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
pipa ‘recipiente fechu con tables narquiaes
y encaxaes en redondo, suxetes con unos
aros de metal, que s’usa pa guardar sidra o
vinu’ (ye dicir, ‘tonel’), entemécense
dambes referencies, sorrayao ello pola
construcción d’una pipa de piedra p’adornar
la fonte, inaugurada nel añu 1903.
●Etimoloxía: nesti topónimu La Pipa paez
que s’amiesten dos referencies que tien el
vocablu asturianu pipa: per un llau, ‘gota
d’agua’ p’aludir a la fonte; per otru llau,
‘tonel’. Nel primer casu, pipa (tamién pipu)
relaciónase con otres palabres asturianes
como pipar ‘gotiar, pingar gotes d’agua’,
pipera ‘gotera, gota de líquidu’, ‘gotera,
gotes que caen de contino’, y pue orixinase
nuna onomatopeya del tipu *PI-PI, imitación
del ruíu d’una gota al cayer; una variante
*PIM-PIM o *PIM-PAM da llugar a El Pimpán,
fonte en Viella, conceyu de Siero, y a
palabres asturianes como pimpana ‘fonte
que surde con poca fuercia, que gotia’ y
pimpar o pimplar ‘pingar o gotiar agua’. En
definitiva, el topónimu La Pipa fadría familia
con otros topónimos xixoneses como El
Pingón na parroquia de Ruedes o Los
Pingones na parroquia de Samartín de
Güerces, derivaos de pingar ‘gotiar l’agua’,
que se refieren a fontes que gotien o
pinguen. D’otra miente, pipa ‘tonel’ procede
del primitivu significáu ‘xiblata fecha con
una caña verde’ (en relación col llatín PĪPARE
‘pipiar los páxaros), que tovía ye usual
n’asturianu; d’aende pasaría a significar
‘tonel’, por ser ésti un recipiente de forma
allargada que recuerda a la xiblata.
●Otres observaciones sobre’l nome: La
Carbayera la Pipa ye onde ta la fonte de la
que se fala arriba.
La Pipa
Llugar de la parroquia de Santurio, barriu
de L’Aldea.
●Ver l’anterior.
●Referencia al llugar: La Pipa da nome
tamién a una fonte, y quiciabes esa seya la
referencia orixinaria del topónimu.
La Piquera
Llugar del distritu Oeste, parroquia urbana
de Jove / Xove.
●Formación del topónimu: tamos delantre’l
sustantivu asturianu piquera o piqueru
159
κ ‘parte cimera y más aguzada de daqué’.
Trátase d’un deriváu de picu o de pica, col
sufixu -era; ver Los Picos y La Pica
Corros.
●Etimoloxía: ver Los Picos y La Pica
Corros. El sufixu -era vien del llatín -ĀRĬAM.
Los Piqueros
Llugar de la parroquia de Caldones, barriu
de Robleo.
●Formación del topónimu: fórmase col
sustantivu asturianu piqueros, plural de
piqueru; ver El Piqueru.
●Etimoloxía: ver El Piqueru.
El Piqueru
Llugar de la parroquia de Somió, barriu de
Candenal.
●Formación del topónimu: tamos delantre’l
sustantivu asturianu piqueru ‘parte cimera y
más aguzada de daqué’. Trátase d’un
deriváu de picu o de pica, col sufixu -era;
ver Los Picos y La Pica Corros.
●Etimoloxía: ver Los Picos y La Pica
Corros. El sufixu -eru vien del llatín -ĀRĬUM.
La Piquiella
Llugar de la parroquia de Vega, barriu de
Vega de Baxo.
●Formación del topónimu: reconozse
fácilmente’l sustantivu asturianu piquiella,
un antiguu diminutivu de pica; ver La Pica
Corros.
●Etimoloxía: ver La Pica Corros. El sufixu
diminutivu -iella procede del llatín -ĔLLAM [él
lam].
EL PISÓN
Barriu de la parroquia de Somió.
●Formación del topónimu: atopámonos
equí col sustantivu asturianu pisón, que pue
designar en principiu un antiguu batán de
trabayar el fierro o de llavar les teles, pero
tamién un ‘molín pa desamecer el granu de
la escanda o del pan, de la poxa’, un
‘mecanismu compuestu por dos piedres
dentaes que rueden una contra otra y que
s’emplega pa escorteyar el llinu’, un ‘mayu,
aperiu que se compón d’un mangu y d’una
pieza pesada de madera o fierro nun cabu,