Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
Paniceres
Llugar de la parroquia de Vega, barriu de
Vega de Riba.
●Formación del topónimu: tenemos el
sustantivu paniceres, plural de panicera,
que designa la ‘Plantago lanceolata, planta
de fueyes llargues y estreches con una vara
que naz del centru la planta’ (en castellanu
«llantén menor»). Pue interpretase, de toes
maneres, que paniceres seya un
encurtiamientu de la espresión tierres
κ paniceres, ye dicir, tierres onde se produz
panizu ‘Plantago lanceolata’ (en castellanu
«llantén menor») o paniza ‘Rumex
obtusifolius, planta de tallu fuerte que tien
la raicera de color mariello’ (en castellanu
«romaza»).
●Etimoloxía: panizu y paniza provienen del
llatín vulgar PANĪCĬUM [paníkium], alteración
del llatín clásicu PANĪCUM [paníkum], col
mesmu significáu; ye deriváu de PANEM
‘pan’. El sufixu plural -eres provién del llatín
-ĀRĬAS.
●Referencia al llugar: nos mapes esti
topónimu venía conseñáu por error na
parroquia de Samartín de Güerces.
La Parada
Llugar de la parroquia de Vega, barriu de
Vega de Baxo.
●Formación del topónimu: topónimu
formáu col sustantivu asturianu parada
‘sitiu onde regularmente para un coche, un
autobús o un camión’, o tamién ‘sitiu onde
les caballeríes machu cubren a les femes’.
La Parada pue referise a una moderna
parada d’autobús, o bien tener más
antigüedá y referise a un sitiu del camín
onde se paraba davezu, quiciabes cola
correspondiente posada. Nun hai
qu’escaecer tamién un significáu como
κ ’sitio o lugar donde se recogen o juntan las
reses’ 34 . Ye posible, tamién, que l’orixe tea
nun deriváu de para ‘estaya d’una tierra o
d’un terrenu’; ver La Paraya.
●Etimoloxía: en cualesquier de los posibles
significaos orixinarios, la etimoloxía ta nel
verbu llatín PARĀRE, que significaba de mano
‘preparar, iguar’, d’aende ‘poner o ponese
nun estáu o situación’, pa depués ‘allugase
34 Apaez nel DRAE, pero nun lu
recueye’l DALLA.
143
nun sitiu’ y ‘parar nun sitiu’. La terminación
-ada procede del llatín -ĀTAM [-átam].
La Paradina
Llugar de la parroquia de L’Abadía Cenero,
barriu de Peñaferruz.
●Formación del topónimu: tamos ante’l
sustantivu asturianu paradina, diminutivu
de parada. Ver La Parada.
●Etimoloxía: ver La Parada. El sufixu
diminutivu -ina vien del llatín -ĪNAM.
●Referencia al llugar: nome d’un monte
ensin cases, que ye cotu de caza. Ye
tamién el nome d’un regatu.
●Documentación histórica del topónimu: la
Matrícula de la Casa Valdés (1875) cita «en
los cierros llamados La Paradina y la
Mesnada».
La Paraya
Llugar de la parroquia de Llavandera, barriu
de Tueya.
●Formación del topónimu: trátase del
sustantivu asturianu κ paraya, variante de
paraxa ‘tierra pequeña de llabor’, que
resulta ser un diminutivo-despectivu del
sustantivu para ‘estaya d’una tierra, d’un
terrenu’.
●Etimoloxía: del verbu llatín PARĀRE, que
significaba de mano ‘preparar, iguar’; nesti
casu, refierse a una tierra preparada pal so
cultivu. La Paraya pue venir de para ‘estaya
d’una tierra o d’un terrenu’ col sufixu -aya,
del llatín -ĀCŬLAM [-ákulam]; o bien d’un
deriváu *paradia. Acordies con otra
hipótesis, paraya podría proceder de
*praya, deriváu directu del plural llatín
PRĀTŬLA [prátula] ‘pradinos’, en singular
PRĀTŬLUM [prátulum] ‘pradín’, diminutivu de
PRĀTUM [prátum] ‘prau’.
El Parchís
Llugar del distritu Centro, barriu d’El
Centro.
●Formación del topónimu: El Parchís ye
encurtiamientu de la espresión La Plaza’l
Parchís, nome popular de la «Plaza del
Instituto», motivúa porque’l so diseñu
recuerda un tableru del parchís ‘xuegu de
tableru que consiste en facer llegar a una
meta delles fiches’.