Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
●Etimoloxía: desconozse a ciencia cierta. Ye
posible que tenga relación col llatín LAPĬDEM
[lápidem] ‘piedra’, con un sufixu átonu -
ANA.
La Lladera
Llugar de la parroquia de L’Abadía Cenero,
barriu de Batiao.
●Formación del topónimu: topónimu
formáu col sustantivu asturianu lladera ‘llau
inclináu d’un monte’.
●Etimoloxía: lladera ye un deriváu de llau
(en castellanu «lado»), que vien del llatín
LATUS, col mesmu significáu. El sufixu -era
vien del llatín -ARĬAM.
●Otres observaciones sobre’l nome: nos
mapes conseñábase esti llugar como La
Miguelona, que ye en realidá’l nome d’una
fonte cercana.
Llagarón
Llugar de la parroquia de Fano, barriu de La
Cuadra.
●Formación del topónimu: topónimu
formáu col sustantivu asturianu llagarón,
aumentativu de llagar ‘local onde ta tola
maquinaria necesario pa facer sidra’;
‘mecanismu pa prensar la mazana, la uva y
sacar el zusmiu colo que se fai la sidra’ (en
castellanu «lagar»).
●Etimoloxía: llagar provién del llatín vulgar
*LACALEM o *LACAREM [lakálem], deriváu de
LACUM ‘llagu’, y tamién ‘depósitu de
líquidos’.
●Otres observaciones sobre’l nome: nos
mapes oficiales apaecía «El Llagarón», pero
l’usu popular faise ensin artículu.
Llagos
Llugar de la parroquia de Samartín de
Güerces, barriu de Villaverde.
●Formación del topónimu: trátase del
sustantivu asturianu llagos, plural de llagu
‘cantidá grande d’agua estancao nuna
fondigonada del terrenu’, ‘champán o
charcu grande’ (en castellanu «lago»). Ha
facer referencia a un sitiu que s’enllaga, ye
dicir, un sitiu onde s’acumula agua de llover
o de fontes.
●Etimoloxía: llagu provién del llatín LACUM,
del mesmu significáu.
Los Llagos
111
Llugar de la parroquia de Llavandera, barriu
d’El Monte.
●Ver l’anterior.
Los Llagos
Llugar de la parroquia de Valdornón, barriu
de Salientes.
●Ver los anteriores.
La Llaguna
Llugar de la parroquia de Deva, barriu de
La Reguera.
●Formación del topónimu: ta presente
equí’l sustantivu asturianu llaguna ‘llagu
pequeñu’.
●Etimoloxía: del llatín LACŪNAM [lakúnam]
col mesmu significáu.
La Llana
Llugar de la parroquia de Caldones, barriu
de Robleo.
●Formación del topónimu: ta formáu col
sustantivu asturianu llana ‘llanada, terrenu
llano’, sacáu del femenín del axetivu llanu -
a -o.
●Etimoloxía: el femenín llana provién del
llatín PLANAM, acusativu femenín de PLANUS -
A -UM ‘llanu -a -o’.
Llaneces
Llugar de la parroquia de Caldones, barriu
de Garbelles.
●Formación del topónimu: trátase del
sustantivu asturianu llaneces, plural de
llaneza, que se define únicamente como
‘cualidá de llanu’, pero que n’otres dómines
fizo tamién referencia a un κ ‘sitiu llanu’ 27 .
●Etimoloxía: llaneza vien del llatín vulgar
PLANĬTĬAM [planítiam], alteración del llatín
clásicu PLANĬTIEM ‘sitiu llanu’, deriváu del
axetivu PLANUS -A -UM ‘llanu -a -o’.
●Referencia al llugar: nos mapes apaecía
por error na parroquia de Valdornón.
27 El DALLA recueye la definición
primera, pero non a la segunda.