Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
●Referencia al llugar: ta asitiáu al pie del
monte Paragüezos y llendando col conceyu
de Siero, parroquia de La Collada.
La Mata la Suaña
Llugar de la parroquia de Leorio / Llorio,
barriu de Llantones.
●Formación del topónimu: topónimu
compuestu formáu por dos elementos. El
primeru ye’l sustantivu asturianu mata (ver
La Mata). El segundu ye la Suaña, que
paez referise a una muyer conocida por esi
nomatu por proceder de Suañe (parroquia
de L’Abadía Cenero). Prescíndese de la
preposición de (sería de mano La Mata de
la Suaña), fechu mui corriente nel asturianu
cuando ta precedida de vocal: un vasu
lleche, la casa Xuan, etc. Esti topónimu
escríbese en palabres xebraes, porque
caúna d’elles caltién el so acentu propiu,
nes sílabes «ma» y «sua».
●Etimoloxía: pa la etimoloxía de mata, ver
La Mata. Pela so parte, La Suaña paez un
femenín fechu a partir de Suañe (ver
Suañe y La Iría Suañe).
●Referencia al llugar: zona de montes y
praos asitiada al norte d’El Forcón.
La Mata los Moros
Llugar de la parroquia de Caldones, barriu
de Llinares.
●Formación del topónimu: topónimu
compuestu formáu por dos elementos. El
primeru ye’l sustantivu asturianu mata (ver
La Mata). El segundu ye’l sustantivu
asturianu moros, plural de moru, que
davezu interprétase na toponimia como
equivalente d’árabe, con resonancies
mítiques. Tamién pue referise al color de
daqué, pues moru -a -o tien tamién el
significáu de ‘que tien la piel escuro’; o bien
tien relación con una palabra prerromana
que significa ‘piedra, peña’. Prescíndese de
la preposición de (sería de mano La Mata
de los Moros), fechu mui corriente nel
asturianu cuando ta precedida de vocal: un
vasu lleche, la casa Xuan, etc. Esti
topónimu escríbese en palabres xebraes,
porque caúna d’elles caltién el so acentu
propiu, nes sílabes «ma» y «mo».
●Etimoloxía: pa la etimoloxía de mata, ver
La Mata. L’axetivu moru vien del llatín
MAURUM [máurum], acusativu masculín del
123
axetivu MAURUS -A -UM ‘habitante del
noroeste d’África’. Popularmente, los moros
son los árabes, que garren una dimensión
mítica nel imaxinariu de les xentes
d’Asturies a lo llargo de los sieglos, siendo
corriente que cualesquier fechu enigmáticu
o misteriosu s’atribuya a ellos. De toes
maneres, esti moros del topónimu pue
interpretase tamién como procedente d’una
raíz prerromana *MOR- ‘piedra, peña’, que
da llugar tamién a palabres como morriyu o
topónimos como La Moría (Llanes); ver
Moriyón.
Matajove / Mataxove
Llugar del distritu Oeste, barriu de La
Calzada.
●Formación del topónimu: topónimu
compuestu formáu por dos elementos. El
primeru ye’l sustantivu asturianu mata (ver
La Mata). El segundu ye’l topónimu Xove
(ver Jove / Xove). Prescíndese de la
preposición de (nun principiu sería Mata de
Xove), fechu mui corriente nel asturianu
cuando ta precedida de vocal: un vasu
lleche, la casa Xuan, etc. Esti topónimu
escríbese nuna palabra, porque’l conxuntu
tien un únicu acentu na sílaba «xo».
●Etimoloxía: pa la etimoloxía de mata, ver
La Mata. Pa la etimoloxía de Xove, ver
Jove / Xove.
●Documentación histórica del topónimu: en
documentos medievales en romance apaez
«e con Matajoue» (Cortes de Segovia, añu
1383); «Primeramiente del termino de Mata
Iove es la meatad de la iglesia de Oviedo,
de la otra meatad era el sesmo de la
abadesa» (Monesteriu de Santa María de la
Vega, añu 1436). El diccionariu xeográficu
de Madoz (1845-50) refierse al llugar como
«Mata, lugar de la parr. de Jove».
●Otres observaciones sobre’l nome: la
encuestación nel llugar dio como resultáu
que la forma Mataxove yá nun ta viva, pero
la xente vieyo sí recuerda La Mata, y
tamién Les Mates y Les Matones. Tamién se
diz La Escuela.
El Matatán
Llugar de la parroquia de Llavandera, barriu
de Llavandera.