Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
la parroquia de La Pedrera, en Mareo de
Riba.
CASTIELLO BERNUECES
Parroquia. Códigu alministrativu: 24.02.00.
Nome oficial anterior: «Bernueces».
●Ver el siguiente.
CASTIELLO BERNUECES
Barriu de la parroquia de Castiello
Bernueces. Códigu alministrativu: 24.02.01.
Nome oficial anterior: «Bernueces».
●Formación del topónimu: topónimu
compuestu formáu con dos elementos. El
primeru ye’l sustantivu castiellu, que nel
asturianu actual quier dicir ‘edificiu o
conxuntu d’edificios fortificaos con muries
altes y con cárcoves’, ‘casa grande
poderosa y rica’, pero históricamente na
toponimia asturiana castiellu designa
cualesquier tipu de pobláu fortificáu. De
toes maneres, más allá del fechu constatáu
d’una fortificación histórica, delles veces lo
qu’hai son referencies metafóriques a
característiques del terrenu qu’evoquen un
castiellu. Ye corriente que na toponimia de
l’Asturies central una -u del masculín
singular quede fixada nel usu en -o
(Castiello), por razones morfolóxiques
propies de la llingua asturiana. El segundu
componente ye’l topónimu Bernueces, que
nun ye palabra reconocible nel asturianu
actual fuera del usu toponímicu. El
conxuntu del topónimu escríbese en
palabres xebraes, porque caúna d’elles
conserva l’acentu propiu, nes sílabes «tie»
y «nue». Prescíndese de la preposición de
(nun principiu sería Castiello de Bernueces),
fechu mui corriente nel asturianu cuando ta
precedida de vocal: un vasu lleche, la casa
Xuan, etc.
●Etimoloxía: castiellu vien del llatín
CASTĔLLUM [kastél lum] ‘sitiu fortificáu’,
diminutivu de CASTRUM ‘fortificación,
campamentu’. El nome de Bernueces tien
un aniciu desconocíu. Acordies con una
hipótesis, vendría d’un nome d’home,
posesor de dalguna finca o casería, que se
llamaría BERNUTĬUS ‘Bernucio’, y más
concretamente, del casu xenitivu llatinovulgar
BERNUTĬIS ‘de Bernucio’, nuna
espresión como VĪLLA BERNUTĬIS ‘la finca o
casería de Bernucio’. Nun tien munchu
fundamentu supone-y un orixe nel llatín
VERNUS ‘primaveral’.
●Referencia al llugar: nel llugar de Castiello
l'historiador José Manuel González catalogó
en 1959 un castru prerromanu, a la vera de
la carretera que va a la capiella de
Samiguel; tien un diámetru de 80 metros y
d’él consérvense restos enforma
desfiguraos. El Campu de Golf de Castiello
ye del añu 1958.
●Documentación histórica del topónimu: no
que se refier a Castiello, hai abondosa
documentación: «in ualle de Gigion, in
locum nominatum Castelo» (Monesteriu de
San Vicente d’Uviéu-1, añu 1170); «in
locum nominatum Castello, in ualle Gigion
situm» (Monesteriu de San Vicente d’Uviéu-
1, añu 1179); «de Sancta Maria de la Uega
super hereditatem de Castello de Gigion»
(Monesteriu de San Vicente d’Uviéu-3,
1222); «ipsa hereditas de Castello»
(monesteriu de Santa María de la Vega, añu
1222); «in Gigione in uilla nominata
Castello» (Monesteriu de San Vicente
d’Uviéu-1, añu 1233), «San Miguel de
Castiello» (Inventariu de Parroquies, añu
1385).
No que se refier a Bernueces, apaez «illa
hereditate quam habeo in Uernodes»
(Monesteriu de San Vicente d’Uviéu-1, añu
1170); «in Asturiis in ripa maris, in Gigion,
[…] ecclesiam Sancti Petri de Vernoses»
(Diócesis de Lleón, añu 1176); «et in
concilio de Sancto Petro de Uernozes
similiter» (monesteriu de San Vicente
d’Uviéu-2, añu 1222); «enna felegresía de
San Pedro de Vernuezes» (añu 1345); «San
Pedro de Vernuezes» (Inventariu de
Parroquies, añu 1385).
Más alantre atopamos en diversos
documentos del Monesteriu de Santa María
de la Vega, añu 1508: «en Castiello de las
Dueñas, e so la canpana de Santo Pedro de
Vernuezes, un aforamiento fecho a Pero
Suarez de Castiello»; «segund que viene
del dicho finso del Cotaron para el carril
viejo que va para el vayo de San Miguel,
que lo querian trocar e dar en trueco con
Alvar Suarez de Castiello», «heredad de
Fernan Suarez de Vernuezes e de
herederos de Juan de Valençia de Somio»:
«…por quanto Aluar Suarez de Castielo,
feligres de San Miguel de Castielo nos fizo
relaçion que el queria trocar e concanuiar
con la abadesa e priora e monjas del
59