Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
deste concejo de Gijon», «reçibio mas el
padron de la yglesia de Santa Olaya de
Balnaldon». El Llibru Ordinariu ofrez
abondos exemplos d’esti topónimu: «En
Santa Olalla de Baldarnon a Alonso de
Quintana», «En Santa Olalla de Baldarnon a
Juan de Casielles»; «En Santa Olalla de
Baldarnon a Alonso de Quintana», «Cabe a
Santa Olaya de Baldarnon…» (añu 1576);
«Sacose la pelota para las felegresias de
Santa Olalla de Baldarnon y Fano», «y en
Santa Olaya nonbró a Toribio Menendez»
(añu 1577); «E luego nonbraron en Santa
Olaya de Barnaldon a Pedro Mata e a Juan
de Fano», «E luego nonbraron en Santa
Olaya a Tomas de la Mata» (añu 1578).
Convién tener en cuenta que les cites del
tipu Santa Olaya de Valdornón puen
teóricamente referise al llugar o barriu de
Santolaya, o tamién a la parroquia de
Valdornón precedida de l’advocación
relixosa. Ver Valdornón.
●Otres observaciones sobre’l nome: el
nome anteriormente oficial, «Santa
Eulalia», ye la forma llatina o castellana del
nome Santolaya, únicu que ta en boca de la
xente.
SANTURIO
Parroquia. Códigu alministrativu: 24.20.00.
Nome oficial anterior: «Santurio».
●Formación del topónimu: palabra non
reconocible nel asturianu actual fuera del
usu como topónimu.
●Etimoloxía: orixe desconocíu, anque puen
mentase delles teoríes pa esplicar la so
etimoloxía. Según una d’elles, Santurio –
que primeramente sería Santuriu, como
siguen diciendo munchos vecinos– vendría
del llatín SANCTUM GEŌRGĬUM [sánktum
gueórguium] ‘San Xurde o San Jorge’, que
por evolución fonética alteraríase
progresivamente en *Santióriu, *Santóriu y,
finalmente, Santuriu; nesta última forma
taría presente’l fenómenu conocíu como
metafonía vocálica, que convierte la «o»
tónica nuna «u» si la palabra acaba en -u,
como ye’l casu (igual que nes zones onde
güei mesmo se diz rapusu en cuenta de
raposu). Convién tener en cuenta que’l
patrón de la parroquia ye San Xurde o San
Jorge. Santu vien del llatín SANCTUM ‘sagráu,
consagráu’, acusativu masculín de SANCTUS -
A -UM, participiu del verbu SANCĪRE [sankíre]
189
‘consagrar, sancionar’. Pela so parte, el
nome llatín GEŌRGĬUM, acusativu de
GEŌRGĬUS ‘Xurde’, tomárase del griegu
GEÔRGÓS, que yera un compuestu de GEO-
‘tierra’ y ÉRGON ‘trabayu’, de manera que
significaba ‘el que trabaya la tierra’, ye
dicir, ‘llabrador’. Conforme a otra segunda
hipótesis, pue suponese que l’orixe del
topónimu atoparíase nel llatín SANCTŌRUM
[sanktórum] ‘de los santos’, xenitivu plural
de SANCTUS ‘santu’. Per otru llau, nun se
podría descartar una forma llatino-vulgar
*SANCTŌRIUM, col significáu de ‘sitiu de
santos, santuariu’. Esiste tamién la
hipótesis de que Santurio o Santuriu
vendría d’un nome d’home, posesor de
dalguna tierra, llamáu SEMTURIO. En tou
casu, que nel sieglu XII apaeza «Sancturiu»
avalaría una etimoloxía a partir de *SANCTUM
‘santu’, a nun ser que la lletra «c» se deba
a una falsa relación que l’escriba establez
con esi sustantivu llatín.
●Referencia al llugar: la parroquia de
Santurio perteneció n’otres dómines a
Deva. Polo menos nel sieglu XIV, yera del
conceyu de Siero. El nome de Santurio
llévalu tamién el regueru que pasa pellí.
●Documentación histórica del topónimu:
«De Sancturiu de Gigion» (añu 1176); nun
inventariu de bienes del Monesteriu de San
Pelayo d’Uviéu (añu 1220) apaez en llatín:
«Una terra in Santuri et est absoluta»,
«uno prato in Santurio, et suos vassallos
tenent hereditates in Santurio», «Garcia
Roderici de Amieves unam hereditatem in
Santurio». Del mesmu monesteriu (añu
1336): «Testigos: […] Alffonso Rodríguiz de
Santuro, que ye en Siero». Ye probable que
seya Santurio lo qu’apaez escrito como
«San Jorge de San Cure», nel Inventariu de
Parroquies xixoneses del añu 1385. Nel
Llibru del Cai apaez: «San Gorje de
Santurio» (añu 1567), «Juan Diaz de
Santurio» (añu 1568). Pela so parte, nel
Llibru Ordinariu lléense exemplos como los
que siguen: «En Santurio a Andres
Menendez de Santurio», «En Santurio a
Gaspar Sala» (añu 1576); «el qual nonbro
en Santurio a Juan de Santurio» (añu
1577); «E luego nonbraron en Santurio y
Bernuezes, en Santurio a Toribio de la Biña,
por Bernuezes a Pedro del Rio» (añu 1578).
Nel Catastro del Marqués de la Ensenada
(1752) cítase como «Sn Jorge de