Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
●Referencia al llugar: en Veranes
descubriéronse en 1920 restos d’una villa
romana del Baxu Imperiu, con unes
instalaciones termales en forma d’ábside
que s’emplegaron como ilesia cristiana na
Alta Edá Media, xunto con un cementeriu
altomedieval. Les escavaciones dirixíes
dende 1997 por Carmen Fernández Ochoa
aportaron más conocencies sobre esti
importante xacimientu arqueolóxicu. En
marzu del 2007 inauguróse’l muséu creáu
nel mesmu llugar. Llámase popularmente
Torrexón de San Pedro o Santa María de
Veranes.
●Documentación histórica del topónimu:
«In Ueranes ecclesias Sancti Petri et Sancte
Marie de Riera et Sancte Eulalie de
Cetnero» (Llibru de los Testamentos, añu
857); «Fernán Pérez, dicho Fernán Ravia,
morador en Veranes que ye en Gigion enna
felegresía de Santianes de Çenero»
(Monesteriu de San Pelayo d’Uviéu, añu
1329); «Alvar Alffonsso e Johán Pérez,
moradores en Veranes, que ye en Gigion,
en la felegresía de Santiannes de Çenero»
(mesma fonte, añu 1352); «Diego Alfonso e
Diego Ferrándiz, moradores en Beranes,
que ye en la feligresía de Santianes de
Cenero que ye en Gigion» (mesma fonte,
1363), «todos los heredamientos e lantados
quel dicho monesterio ha en Veranes e en
sos términos» (mesma fonte, añu 1363);
«…la jugueria quel dicho monesterio [de
San Pelayo de Oviedo] ha en Felgueras que
es en Veranes en la felegresia de Santianes
de Çenero, que es todo en el conçello de
Gigion», «por todos mios bienes en el dicho
logar de Veranes por el San Martino la
colecha fecha» (Monesteriu de San Pelayo
d’Uviéu, añu 1391); «Item una faça en
arganedo que atiesta en camino que va
para Verannes» (Monesteriu de Santa María
de la Vega, añu 1453); «E Luego nonbraron
en la media habadia de arriba a Fernando
de Baldes, de Beranes» (Llibru Ordinariu,
añu 1578).
●Otres observaciones sobre’l nome:
Veranes ye tamién el nome d’un regatu del
llugar.
VERIÑA
Parroquia. Códigu alministrativu: 24.25.00.
Nome oficial anterior: «Veriña».
209
●Formación del topónimu: palabra non
reconocible nel asturianu actual fuera del
usu como topónimu.
●Etimoloxía: desconozse. Ye posible que
remonte a un nome romanu d’home, que
sería l’amu de dalguna tierra o finca del
llugar. Esi nome sería probablemente
VERĪNĬUS, del que saldría un axetivu femenín
VERĪNĬAM [weríniam] ‘de Verinius’, nuna
espresión como VĪLLAM VERĪNĬAM ‘la casería
de Verinius’.
●Referencia al llugar: una parte de la
parroquia de Veriña viose afectada, dende
los años 50 del sieglu XX, poles
instalaciones siderúrxiques d’«Uninsa» (en
1971 préndese’l primer fornu altu), depués
«Ensidesa» (1973), «CSI Corporación
Siderúrgica Integral» (1994), y «Aceralia
Corporación Siderúrgica» (1997).
Mesmamente, fálase davezu de la «Factoría
de Veriña», cuando la industria
verdaderamente atópase cuasi toa ella
dientro la parroquia de Fresno.
●Documentación histórica del topónimu:
teniendo en cuenta que nn representaba na
Edá Media’l soníu de l’actual «ñ», tenemos:
«Petrus de Verinna» (inventariu de bienes
del Monesteriu de San Pelayo d’Uviéu, añu
1220); «yo, Johán de Verinna, morador en
Jove que ye en Gigion» (Monesteriu de San
Pelayo d’Uviéu, añu 1330); «Testigos: […]
Pedro Martiniz de Verinna» (mesma fonte,
añu 1332); «con el bachiller Alfonso Alvarez
de Verinna, canonigo e vicario por el sennor
dean don Juan de Grado», «el bachiller de
Verinna» (Catedral d’Uviéu-4, añu 1479). El
Llibru del Cai recueyen testimonios como
estos: «Joan Prieto de Beriña, vezino desta
villa» (añu 1576), «para cobrar todas las
bulas que al presente se deben en los
lugares de Jobe e Beriña» (añu 1567).
Idénticos son los que s’atopen nel Llibru
Ordinariu: «En Beriña a Fernando Alvarez
de Beriña», «Juan Prieto Beriña», «E luego
paresçio Juan Alvarez de Beriña, el biejo, y
mandó por la aldea de Beriña beinte reales
por la alcavala de la dicha aldea de Beriña
por todo el dicho año. No firmó, que no
sabe», «En Beriña, Fernando Alvarez de
Beriña, el cojo», «Juan Prieto de Beriña»
(añu 1576); «el liçençiado Zifuentes para
en Jobe y Beriña, el qual nonbro a Juan
Albarez de Beriña» (añu 1577); «Y luego
nonbró en Beriña a Fernando Albarez» (añu
1578). Lo mesmo’l Catastro del Marqués de