Diccionariu toponímicu del conceyu de Xixón _bicolor_ - El Comercio

More documents

Recommendations

Info

Diccionariu toponímicu del Conceyu de Xixón ensenada o la peña. Esta, que se conserva yá non a la vera de la mar, sinón a la vera de la carretera portuaria, sigue destacando en perfil de la costa. Nun sería gota inverosímil qu’esta peña, tan característica d’esi micropaisaxe, fuere la que recibiere en primeres el nome d’El Musel. Vistes asina les coses, nun s’igua la incógnita etimolóxica, pero ábrense nueves y posibles víes interpretatives. Y asina, podría quiciabes relacionase El Musel con topónimos de monte, como La Muesa (en Ḷḷena) o Amuesa (en Cabrales), que García Arias supón orixinaos nel llatín MŎRSUM ‘mordíu, mordiatu’, aplicao en sentíu metafóricu al terrenu, o bien nel verbu MOSTRARE, por ser llugares altos, espuestos o amosaos al so entornu. La terminación -el paez remitir a un sufixu diminutivu llatín - ĔLLUM, pero nesti casu esperaríase un resultáu *-iel (como Valboniel en Castrillón, del llatín VALLEM BONĔLLI). Esto fadría pensar que l’orixe taría más bien nuna forma primitiva *Muxel (de significáu desonocíu), onde *-iel reduciríase a -el por dir precedíu de consonante palatal (igual que caxiellu dio caxellu), pa llueu despalatalizase na actual «s». En resultes, El Musel sigue siendo ún de los topónimos enigmáticos nel ámbitu xixonés y asturianu. ●Referencia al llugar: El Musel ye conocío de vieyo como un abrigaderu de barcos, gracies a la mole d’El Cabu Torres, que torna los vientos del noroeste. Esti abrigaderu, desapaecíu dafechu pol puertu modernu, conocíase mayormente pol nome d’Ensenada del Musel (ver apartáu siguiente), y taba allugáu ente les tamién desapaecíes Peña Lladra o Punta del Musel (onde tán les murueques del castiellu d’Arnao), y Punta l’Otero. Los primeros proyectos pa construyir un puertu remonten a 1752. En 1889 el Ministeriu de Fomentu aprueba’l proyectu de construcción, y les obres entamen en 1892. En 1907 inaugúrase’l puertu d’El Musel; los primeros barcos qu’atraquen nél son el “Dalbeattie”, de Noruega, y el «Jovellanos». Tuvo sucesives ampliaciones en 1913, 1947 y nos años 70. Actualmente constrúise un nuevu dique dende El Cabu Torres. ●Documentación histórica del topónimu: nos mapes de costa xixonesa dende’l sieglu XVIII, apaecíen dos accidentes xeográficos barríos pol puertu modernu, que llevaben el 136 nome d’El Musel, ún referíu a una ensenada (que ye la que xustifica’l nome del actual puertu), y otru referíu a una punta o cabu xunto a esa ensenada. Nel primer casu, los mapes recueyen en xeneral la denominación «Ensenada del Musel» (por exemplu, años 1752, 1776, 1867, 1879), pero dacuando puen apaecer otres, como «Muelle del Musel» (añu 1787), que ye bona prueba del aprovechamientu naval que se-y daba al llugar. Nel segundu casu, atopamos denominaciones como «Punta del Musel» (añu 1754) o «Punta de Tierra del Musel» (años 1752, 1776), que quiciabes ye la mesma que se conocía como Peña Lladra, güei a la vera interior de la carretera portuaria. Gregorio Menéndez Valdés escribe en 1779: «Su concha la mas pacífica, limpia y amparada del Promontorio de Torres donde, aunque la furia del mar y de los embravecidos vientos se empeñe en sumergir las naves, siempre en la misma Concha y sable de el Musel salvan sus vidas y haciendas, sitio el mas proporcionado a la construcción de un Puerto para armadas de mayores buques y utilísimo a la Monarquía». EL MUSELÍN Barriu del distritu Oeste, parroquia urbana de Jove / Xove. ●Formación del topónimu: trátase del diminutivu del topónimu El Musel, col sufixu -ín. ●Etimoloxía: ver El Musel. El sufixu diminutivu -ín procede del llatín -ĪNUM [ínum]. ●Referencia al llugar: mentes qu’El Musel designa una zona de la costa y un puertu, El Muselín refierse a un barriu allegáu, fechu con casines baxes. ●Otres observaciones sobre’l nome: llámase oficialmente «Barrio de Musel-Arnao». EL NATAHOYO Barriu del distritu Oeste. ●Formación del topónimu: palabra non reconocible nel asturianu actual fuera del usu como topónimu. ●Etimoloxía: la hipótesis más probable ye qu’esti nome provenga de la espresión *ĬN ATTAŬLĬŌ [in attaúlio], lliteralmente ‘en Ataúlio, n’Ataúlio’, aludiendo a un sitiu asina
Diccionariu toponímicu del Conceyu de Xixón llamáu, o bien al nome del amu d’una tierra. De *ĬN ATTAŬLĬŌ pasaríase primero a *en Ataóyo, llueu a *n’Ataóyo (igual que en + Asturies da llugar a n’Asturies), fusionao depués en Nataoyo y perdiéndose la conciencia de que la n- inicial fuere la preposición en. De toes maneres, el testimoniu de variantes como Ataoyo o Lataoyo (procedente de *L’Ataoyo), ye bona prueba de que’l nome llatín ATTAŬLĬŌ pudo conocer tamién una evolución a cencielles, ensin supone-y una preposición delantre. Les secuencies -LĬ- del llatín dan como resultáu asturianu una -y-, como MŬLIĔREM, TRIPALĬUM, qu’orixinen les palabres muyer, trabayu. El nome ATTAŬLĬUS [attaúlius] sería la llatinización d’un nome visigodu, asemeyáu al que dio llugar al actual Ataúlfo o Adolfo, y provendría de la espresión xermánica ATHAL-WULF ‘llobu ilustre’. ●Referencia al llugar: El Natahoyo ye un sitiu pobláu del qu’hai constancia dende época romana. La documentación medieval refierse a un llugar a la vera’l mar onde había lloses, praos, montes, fontes, acueductos, pesqueríes, salines, etc. La capiella de San Esteban del Mar ye del sieglu XVIII. Históricamente, yera un barriu de la tradicional parroquia rural de Tremañes. El nome d’El Natahoyo tiense emplegao tamién pa llamar El Río Cuti (o Cutis), que desemboca nel llugar, y a dalgún de los arenales occidentales asitiaos ente L’Atalaya y El Monte Coroña (playa d’El Natahoyo). Al entamar la Revolución Industrial, El Natahoyo yera un cotu señorial del Marqués de San Esteban. La industrialización camuda dafechu la fisionomía de la zona: la fábrica de lloza «La Asturiana» ye la primera, en 1876, pero llueu síguen-y la de «Moreda y Gijón» en 1879, la refinería de Rufino Martínez en 1890, y tantes otres. ●Documentación histórica del topónimu: en documentos medievales escritos en llatín apaez «in Nataleo ecclesiam Sancte Eulalie» (Llibru de los Testamentos, añu 905); «de uilla nostra propria quam habuimus […] in Asturias, territorio Gigon secus Occeani maris, nominata Ataulio», «illa supradicta uilla nominata Ataulio» (Llibru de los Testamentos, añu 1078); «de uilla mea propria quam habeo in Asturias territorio Gegione, nominata uilla Ataulio» (mesma 137 fonte, añu 1080); «Nataollo» (Llibru Becerru, añu 1281); «Nataollo» (documentu de 1493). El Llibru Ordinariu cita nel añu 1578: «E luego nonbraron en Tremañes a Gonçalo de la Caleya e a Juan de la Briega de Nataollo». Nos Protocolos Notariales del Conceyu de Xixón, añu 1743, cítase: «En el coto d’El Nataoyo de el conzexo de Jixon». Nel «Plano del Puerto de Gixon», d’Andrés de la Cuesta (1776), indícase «Rio del Atahoio», pa referise a El Río Cuti, y «Arenal de Atahoy», pa referise a la playa d’ente El Río Cuti y El Monte Coroña. Nel «Plano de la Concha de Gijon», de Vicente Tofiño (1787), apaez «Rio Ataoyo». Xovellanos nel so Diariu escribe «Natahoyo». El «Plano del Puerto y Villa de Gixon en Asturias», de Ramón Lope (1812), conseña una barbacana «del Mar de Nataoyo» y otra «del Mar de S. n Lorenzo», espresiones onde’l sustantivu mar ta usáu nel sentíu de κ ’entrante o zona de la mar reconocible nun entornu determináu’ 32 . Nel «Plano de la Villa y Puerto de Gijón», de Sandalio Junquera Huergo y Alonso García Rendueles, de 1836, apaez «Arenal de Nataoyo» y «Aldea de Nataoyo». El diccionariu xeográficu de Madoz (1845-50) cita esti llugar como «Natahoyo, lugar de la parr. de Ceares». Francisco Coello conseña nel so «Plano de la Villa y Puerto de Gijon» (1870) «Arrabal de Natahoyo» y «Arenal y Playa de Natahoyo ó del Paseo». ●Otres observaciones sobre’l nome: como se comprueba pola etimoloxía y la historia de la palabra, la «h» nun ye más qu’un adornu ortográficu ensin mayor fundamentu; la escritura más correcta, dende’l puntu de vista filolóxicu, sería El Nataoyo, que tien precedentes históricos. Per otru llau, l’usu popular incorpora l’artículu, de manera que nun ye correcto precindir d’él diciendo simplemente «Natahoyo». Hai xente que diz El Lataoyo y Lataoyo, con una L- inicial que pue tar orixinada nuna vieya forma con artículu del tipu *L’Ataoyo; en tou casu, ye de xuru un 32 Esta acepción, que se rexistra n’entornos como La Ría d’Avilés, nun se recueye nel DALLA, puesto que l’acepción ‘porción xeográficamente reconocible de la masa d’agua salao que cubre la tierra’ apunta más bien a usos como Mar Cantábricu.
Page 4 and 5:
Diccionariu toponímicu del Conceyu
Page 6 and 7:
Page 8 and 9:
Page 10 and 11:
Page 12 and 13:
Page 14 and 15:
Page 16 and 17:
Page 18 and 19:
Page 20 and 21:
Page 22 and 23:
Page 24 and 25:
Page 26 and 27:
Page 28 and 29:
Page 30 and 31:
Page 32 and 33:
Page 34 and 35:
Page 36 and 37:
Page 38 and 39:
Page 40 and 41:
Page 42 and 43:
Page 44 and 45:
Page 46 and 47:
Page 48 and 49:
Page 50 and 51:
Page 52 and 53:
Page 54 and 55:
Page 56 and 57:
Page 58 and 59:
Page 60 and 61:
Page 62 and 63:
Page 64 and 65:
Page 66 and 67:
Page 68 and 69:
Page 70 and 71:
Page 72 and 73:
Page 74 and 75:
Page 76 and 77:
Page 78 and 79:
Page 80 and 81:
Page 82 and 83:
Page 84 and 85:
Page 86 and 87:
Page 88 and 89: Diccionariu toponímicu del Conceyu
Page 188 and 189:
Page 190 and 191:
Page 192 and 193:
Page 194 and 195:
Page 196 and 197:
Page 198 and 199:
Page 200 and 201:
Page 202 and 203:
Page 204 and 205:
Page 206 and 207:
Page 208 and 209:
Page 210 and 211:
Page 212 and 213:
Page 214 and 215:
Page 216 and 217:
Page 218 and 219:
Page 220 and 221:
Page 222 and 223:
Page 224 and 225:
Page 226 and 227:
Page 228 and 229:
Page 230 and 231:
Page 232 and 233:
Page 234 and 235:
Page 236 and 237:
Page 238 and 239:
Page 240 and 241:
Page 242 and 243:
Page 244 and 245:
Page 246 and 247:
Page 248 and 249:
Page 250:
show all

Diccionariu toponímicu del conceyu de Xixón _bicolor_ - El Comercio

Create successful ePaper yourself

Delete template?

Save as template?