DON JUAN MANUEL : - Biblioteca Tomás Navarro Tomás

DON JUAN MANUEL
el pico para cantar; et desque el pico fué abierto
para cantar cayó el queso en tierra, et tomólo el
raposo et fuese con él. Et así fincó engañado el
cuervo del raposo, creyendo que había en sí más
apostura et más complimiento de cuanta era la verdad.
Et vos, señor conde Lucanor, como quier que Dios
voz fizo asaz mercet en todo, pues veedes que aquel
homne vos quiere facer entender que habedes mayor
poder et mayor honra et más bondades de cuanto
vos sabedes que es la verdat, entendet que lo face
por vos engañar, et guardat vos del et faredes
como homne de buen recabdo.
Al conde plogo mucho de lo que Patronio le
dijo, et fizólo así, et con su consejo fué él guar­
dado de yerro.
Et porque entendió don Johan que este exiemplo
era muy bueno, fizólo escribir en este libro, et fizo
estos viesos, en que se entiende abreviadamente la
entención de todo este exiemplo. Et los viesos di­
cen así:
Qui te alaba con lo que non es en ti
Sabe, que quiere levar lo que has, de ti.
So