versione pdf - Sardegna DigitalLibrary

32 Guido Mensching
agasone < AGASO, -ONIS
maccu < MACCUS, de orìzine osca
soddu < SOLLUS, forma osca de SOL(I)DUS
occhisòrju < OCCISORIUM
S’ipòtesi de Gröber fit criticada ja in sos annos trinta de su sèculu colau. 11
Gaichì, puru Stefenelli (1996:76-77) botzat s’ipòtesi de Gröber comente ispiegatzione
zenerale, ma pessat chi podet esser zusta pro paritzos fenòmenos sìngulos,
e mascamente pro su sardu, tenende in contu sos elementos accataos
dae Wagner. Ma custos fenòmenos, comente amus a bier derettu, non mustran
nudda supra de s’esistèntzia de elementos de su latinu anticu in sa limba sarda.
A pessos de Wagner, s’iscramassione sarda malebèrdiu benit dae MALE
PERDITUS chi at accatau in un’òpera de Plautu, 12 chi biviat dae su 250 fintzas
a su 184 i.d.C., est a narrer, diffattis, in s’època de sa cunchista romana de
sa Sardigna. 13 Ma pompiande in su Thesaurus Linguae Latinae (ThLL 8,244),
si biet chi sa documentatzione de PERDERE usau paris chin s’avverbiu MA-
LE, cherende narrer pacu prus o mancu ‘isperder (una pessone) in modu malu’,
s’isterret fintzas a un’època tarda, e s’usabat, pro esèmpiu galu in su séculu
I ap.d.C. (Tàtzitu) e peri in sa Vulgata, iscritta in su cumintzu de su séculu
V. 14 Ma in prus, semper sichinde sas indicassiones de su ThLL, s’avvèrbiu
MALE si podiat usare, in tottu sas èpocas de sa limba latina, pro affortzare
unu verbu de semántica negativa: PERDERE nd’est solu un’esèmpiu, ma in
su matessi modu l’accatamus in sos iscrittores latinos chin VEXARE, PERI-
RE, OCCIDERE etz. S’idea de Wagner, chi presupponet chi s’ispressione sintagmàtica
MALE PERDERE, o fintzas s’iscramassione MALE PERDITUS,
fit lessicalizzada ja a su tempus de Plautu, est prus che improbàbile.
In sa matessi manera, si poden criticare puru sas àtteras paràgulas fentomadas
dae Wagner: su verbu jubilare no agguantat sa crìtica nemmancu issu,
ca su sinnificau de JUBILARE in latinu, ‘abochinare, gridare’, non fit ristrintu
a su latinu anticu, ma fit su sinnificau “normale” in latinu chi accatamus fintzas
a tardu (cfr. ThLL 7,2,587). Antzis, su sinnificau ‘gridare pro gòdiu o piachere’,
chi connoschimus de àtteras limbas, fit un’innobassione tarda, de su
latinu cristianu. 15 Paret chi su verbu, a su cumintzu, fit ristrintu a sa limba de
su campu, e tando custu verbu no apparteniat a un’istratu diacrònicu ma diastràticu.
Sa situassione est simizante puru chin sos àtteros esèmpios de Wagner. Su
sintagma CALLUM APRUGNUM b’esistit in Plautu, e est beru chi si trattat
de unu tèrmine chi accattamus meda in su latinu anticu (gaichì custu sintagma
fit usau puru dae Naeviu, 270-201 i.d.C.). Ma est puru beru chi CALLUM