versione pdf - Sardegna DigitalLibrary

Su sardu – limba arcàica o limba moderna? 49
Notas
* Cust’artìculu est una versione attualizzada e bortada in sardu de una cufferèntzia chi appo fattu
su 14 de Sant’Andria de su 1997 in Colònia, comente parte de s’esame pro esser numenau professore
de universidade.
1 «Sardos etiam, qui non Latii sunt, sed Latiis associandi videntur, eiciamus, quoniam soli sine
proprio vulgari esse videntur, gramaticam, tanquam simie homines, imitantes; nam dominus nova
et domus novus locuntur» (Dante, De vulg. eloqu. XI,7). Imbetzes de «dominus nova et domus
novus» sos manuscrittos e sas editziones tenen, comente variantes, «domus novi et domus novus»,
«domus nova et domus novas», «domus nova et dominus meus» e àtteros. Itte cheriat narrer Dante
est una chistione diffìtzile meda, chene solutzione definitiva fintzas a commo. Pro sa discussione,
cfr., pro es., su commentàriu a s’editzione de Rovira/Gil (1982), e, supra de tottu, ED (5,34-35).
2 In sos ditzionàrios de linguìstica s’accatan, bell’e gai, àtteros sinnificaos, comente (a): elementu
linguìsticu de un’època anteriore, usau mascamente pro resones istilìsticas; (b) forma grammaticale,
costrutzione o sinnificau “cunzelau”, cramau puru “relittu”. Pro su chi pertoccat (b), cfr. sa
setzione 3.2 de cust’artìculu.
3 In su matessi paràgrafo, Tagliavini faveddat de paràgulas cusserbadoras e de paràgulas arcàicas,
chene facher una distintzione crara tras issas. Pro su chi riguardat sa differentziatzione tra arcàicu
e cusserbadore, cfr. s’idea de Mariner Bigorra trattada in sa pàzina chi sichit.
4 Sa tradutzione est mea, comente puru sos àtteros testos in josso bortaos in sardu dae su tedescu.
5 Cfr. puru Gröber (1884:213): «Sa seperatzione de sas limbas romànicas diat esser, tando, antica
meda. Custa [seperatzione] est cumintzada in su tempus de sa romanizzatzione de sa prima provìntzia
foras de Italia, e si ripitiat a s’ora de sa cunchista de cada territòriu nobu de limba romànica
[sic]; cada borta sa limba de sos primos populadores de custos [territòrios] est istada su puntu
de cumintzu de sa limba romànica rispettiva; custa [limba] s’est dèppia guardare dae [sa limba
de?] sos immigraos posteriores, est ressessia a la assimilare in issa, e s’est irvilluppada fintzas a
diventare una limba romànica, chentza esser iffruentziada dae sos sonos de issa [est a narrer, de sa
limba de sos immigraos posteriores]».
6 DLCS: cugnàre, cungiai, cunzare ‘serrare, acurtziare sas duas partes de un’abbertura de no
arreare logu in mesu, ponner sa cunzadura, inghiriare unu logu ororu cun carchi cosa de impedumare
chi si essat o s’íntrede’; sinònimos: serrai, tancare; incujare.
7 Pro Wagner (1993:107-108), custu tipu de “arcaismu” no at unu caràttere marzinale in su sensu
de Arcaismu D, ma prus a prestu rùsticu: «Fra gli elementi lessicali comuni al sardo e alla latinità
balcanica sono notevoli soprattutto quelli che riguardano la terminologia rustica: appartengono ad
uno strato lessicale arcaico, il cui centro di irradiazione sarà stata l’Italia meridionale, e difatti parecchi
di questi vocaboli si trovano anche in dialetti dell’Italia meridionale e centrale».
8 DLCS: incujàre, incuxare ‘serrai una terra, unu possessu, ponendidhu su serru, sa cresura’. Su
REW (2392) tenet incugiai, ma chin un àtteru sinnificau.
9 Cfr. Wagner (1993:110): «si riferisce in origine a quelle serrature primitive di legno, in cui
certe biette in forma di cuneo (sard. kóndzu; rum. cuĭu) s’incastrano in altrettante incavature, e
che si vedono ancora nei predi campestri dell’isola, come esistono anche, secondo comunicazione
dell’amico Sever Pop, in Romanìa.» Su sinnificau de CUNEARE est ‘fendre ou serrer avec un
coin’ sicunde Ernout/Meillet (1951:281). Su ThLL (4,1402-1403) indittat su sensu ‘cuneis iungere,
claudere’, ma credo chi ‘claudere’ non fit pessau dae sos autores de su ThLL comente unu sinnificau
independente, ma, antzis, bisonzat de legher ‘cuneis iungere, [cuneis] claudere’. Custu si
podet bier puru in sos ùnicos duos testos indittaos in su ThLL in ube accattamus su verbu CUNE-
ARE in custu sensu (Sèneca, epist. 118,16 e Plìniu nat. 16,206). S’indicassione de su REW
(2392), chi dat a su verbu latinu su sinnificau de ‘tancare’, est, duncas, farsa, a su mancu fintzas a
su sèculu I ap.de.C.