versione pdf - Sardegna DigitalLibrary

Su sardu – limba arcàica o limba moderna? 41
bellu, ma comente amus bidu in sa cartina, si connoschet solu in unu cantu
minoreddu de sa Sardigna.
Un’aspettu ùrtimu, ma importante, est custu: sicomente bell’e tottu sos
tempos e modos sintèticos latinos in (13) sun andaos pèrdios, su sardu at piccau
unu sistema nobu, de tipu analìticu. Nos deppimus ammentare chi su latinu
fit una limba de morfolozia verbale sintètica. Diffattis, comente ammustrat
un’istùdiu de Iliescu/Mourin (1991), su sardu est sa limba romànica chi
juchet su nùmeru prus mannu de formas analìticas tra sas limbas romànicas. In
custu sensu, su sardu non tenet nudda de arcàicu, ma est massimamente innobadore.
3.3 Sintassi
Pro Wagner (1993:365) e àtteros istudiosos, puru sa sintassi de su sardu est
arcàica:
In sostanza si può dire che la sintassi sarda rivela non meno tratti arcaici che le
altre categorie grammaticali, e di nuovo possiamo constatare che i dialetti centrali
e rustici sono i più conservatori anche in questo campo.
Comente arcaismos, Wagner (1993:cap. XV) fentomat:
(15) a. Sa cunzuntzione ca chi introduchet su chistionu indirettu, 22 derivau de
s’usu de QUIA in su latinu vulgare. 23
b. Sa partichedda interrogativa a (< AUT).
c. Sa funtzione partitiva de sa prepositzione de chene artìculu (es.: In ube
s’accattat de abba frisca?), a diferèntzia de àtteras lìmbas romànicas, ma
comente in su latinu de sa Vulgata («Afferte de piscibus»; Santu Jubanne,
21,20).
d. Su singulare collettivu (tipu: sa preda; cfr. Pittau 1972:68, Mensching
1994:29 e àtteros), comente in latinu, usau de forma regulare in sardu, a
diferèntzia de sas àtteras limbas romànicas chi nde bocan a campu petzi
carchi esèmpiu.
e. S’imperativu negativu formau chin su conzuntivu (no cantes), comente in
ispagnolu.
f. Sa postpositzione de su verbu esser (tipu: Beru est).
De custas caratterìsticas, mi paret chi sa (15d) podet esser un’arcaismu sintàtticu
beru. Supra de sos àtteros, toccat a annotare chi (15a) e (15b) poden esser
cramaos arcaismos, ma sun arcaismos lessicales e non sintàtticos. Pro su chi
pertoccat su (15e), est beru chi su sardu at cusserbau sa forma latina, paris