В поисках счастливых цыган - European Roma Rights Centre
В поисках счастливых цыган - European Roma Rights Centre
В поисках счастливых цыган - European Roma Rights Centre
Create successful ePaper yourself
Turn your PDF publications into a flip-book with our unique Google optimized e-Paper software.
<strong>В</strong> <strong>поисках</strong> <strong>счастливых</strong> <strong>цыган</strong>: преследование отверженных меньшинств в России<br />
15.1 Rasistikani violencia thaj dukhavipe mamuj Rroma katar policia<br />
ERRC-esko (Europake Rromane Čačipaske Centrosko) rodipe arakhla kaj policiaki<br />
violencia (tortura) mamuj Rroma ande Rusicko them si but buxljardini, pal pe aver rig na<br />
butivar kadale torture či džan anglal krisura vaj barederipa. Dži kaj si ilegalo (te khonik<br />
či džanel) violencia generalo problemo Rusicke juristikane sistemosko ande maj palune<br />
berša, mamuj Rroma thaj varesave aver etnikane grupe, keren pes maj bare torture vaš<br />
odi kaj ande rusicko societato kerda pes stereotipo kaj e Rroma keren buti ando krimionalo<br />
vaj e drogasa. Kava opre phendino trada vi e manušen save keren buti ande rusicke<br />
themeske organura te gindin sar vi aver. Gasave stereotipura sar rezultato traden te kerel<br />
pes rasako profilo e Rromengo katar policia; sar egzamplo varekana e policia kana trubul<br />
te kerel decizji ko si bango pal ko naj, intjarel ando gindo ko si savo nacionaliteto vaj<br />
etniciteto. Rasistikane stereotipura putaren o drom pala tortura thaj bilačho tretmano e<br />
Rromengo pe save dikhel pes sar pe lačho kotor pala dukhavipe,tortura thaj violencia<br />
numaj vaš odi kaj si Rroma. E Rroma butivar keren raportura ande save sikaven sar gadže<br />
pe lende keren diskriminacia vi pe murša, vi pe džuvlja sar vi pe čhavore,sar lićharen pes<br />
(phagaven pes) lenge khera thaj aver barvalipa, specialo kana e policia kerel pire racie.<br />
E Rromane muršen thaj e Rromane džuvljen e policia butivar ačhavel (maj but deso averen)<br />
te pučel pala personale lila pala identifikacia thaj butivar pe lende kerel pes tortura<br />
thaj bilačho tretmano. Si varesave kazura kaj si e Rroma save si tradine ande policia kade<br />
but mardine sostar maj palal vi mule.Xoxavipe,na-čači evidencia maj pala kerda te katar<br />
Rroma len pes vi lenge love.<br />
Gasave bare efektura savo kerda o rasizmo mamuj Rroma thaj mamu lenge<br />
manušikane čačipa vazda opre korupcia ando fremo juristikane thaj zakoneske organurengo<br />
ando Rusicko them. E korupcia kerda (vazda opre) manišikane čačimaski<br />
violencia, bilačho tretmano, xoxavipe,keripe xoxavimaske (na-čačimaske) evidenciako<br />
thaj maj palal e korupcia kerda te avel but phares te phagavel pes manušikane<br />
čačimaski violencia.<br />
15.2 Diskriminacia e Rromengi ande kriminalo juristikano sistemo<br />
Bilačhe thaj kovle zakonura ando fremo juristikane sistemosko ande Rusicko<br />
them muken te ciknjrel pes šaipe pala lačho krisipe repektosa pala svako rig ando<br />
krisipe. Po drom te sikavel pes sode si kovlo juristikano sistemo šaj phenas kaj si<br />
but bilačhipa ande anglal krisipaski sar vi krisipaski procedura so maj but kerel te e<br />
266