2012-02

Mundart
em dredde drissich, on en dä Zitt bes zor Prefong fierzich
„Reichsmark“ ussbezalt. Fam Bürro en jonger Ma hadde
sin Prefong och beschdanne, ferdende awer 10 % me. Dat
gefel m’r garnet on ech ha mech beschweart. Min Scheff
woll mech gearn behale, doch fa d’r Firmenlaidong wuer
m’r gesät: „Tut uns leid, das ist gesetzlich so geregelt,
wir können uns Ausnahmen nicht erlauben, weil dann alle
weiblichen Angestellten die gleichen Forderungen stellen
würden.“ Ech säde: „Min Arwet es awer genau so fel
Weart we di fa däm Jong!“ Niks ze wonn! – Ech sin da
gegange!
Ze Dach Uerlaub woarn noch ewerich. Am Dach d’r
„Wearongsrefoarm“, am 20. Juni 1948, gräj ech min Gehalt
foar zwanzich Dache en RM – wo m’r niks me met afänge
konn – on dä Räst en DM ussbezalt. Min Modder gräj bal
det arme Dier, min Fadder hadde niks d’rzo ze sä, mainde
awer: „Losset, dat macht soweso warret well.“ Ech geng
sofort zom Arwetsamt, di hadden awer niks foar mech on
bes zom drissichsde hadde ech jo och noch Zitt. So mog
ech Uerlaub on läde mech bi os hennerm Huss en de Sonn.
Nä, wat woar de Wält so schea! Am fenfde Dach, emmer
noch en d’r Sonn, ref min Modder m’r uss d’m Schlofzemmerfesder
zo: „Komm äwe emo renn!“ „Wearem?“
„Du häst Besoch!“ „Wä da?“ „En Ma!“ „Wat well dä?“
„Wais ech net!“ Si geng, schdonn da kuerz d’rno werrer
do: „Dä Ma es fam Arwetsamt!“ „Sall russkomme, ech ha
Uerlaub!“ No kom ech end ewerlä on dochde: „Wat well
dä Ma fam Arwetsamt? Häsde wat fergässe a’zegä, awer
derwäje br’uch dä doch net zo mier nohaim ze komme?
Da schdonn och schoa en groaser decker Ma am Fesder
on ref m’r zo, et wär doch bässer, ech käm äwe emo end
Huss. Ech geng! Awer net gearn!
Hä woar om Arwetsamt gewäse on glaubde ze wesse,
ech wär genau rechdich foar sin Firma, wann ech
m’r zodraute, foarn „Ein- & Verkaufsgenossenschaft“ de
Bochhaldong enzerechde. Bi dä Onnerhalong schdonnen
m’r bi os en d’r Keche, woarn os da och schwinn ais, on
ech bruchde net lang ze ewerlä, em glich „Jo“ ze sä. „Da
farn m’r itz“, säde min näjjer Scheff. Sonneschin ade,
ech mossde glich met. On min Modder reb ser werrer
de Hänn.
Dusse foar d’r Dier schdonn e glai Audo. Om Recksetz
woar alles follgepackt bes oawe hin met ludder Schdoffballn.
Hennerm Schdier'ratt sos en glainer decker Ma. Dä
konn nuer no foarn gucke, so eng woaret en däm Kestche.
Ech säde: „Ech komme met d’r Schdroseban no!“ Nä-ä,
mainde dä groasse Decke, mier zwai, hä on ech, mier bassden
och noch d’rbi, so witt wäret jo och net ze farn bes
Wierernau. Ech ha da gebeckt zwescher de Bain fa däm
Decke geschdanne, mem Kobb so witt foarn, darrech de
Frontschib hädde afläcke konn.
Di Tourtour awer ha ech nuer aimo metgemacht; doch de
näjje Arwet hät m’r got gefalln, on glich ze Afang gräj ech
schoa me als nuer 10 % me. Emanzipiert – one wat d’rfa ze
wesse.
Gerda Greis
Das könnte der
Beginn einer
langen, gesunden
Beziehung sein.
Besuchen Sie uns und lassen Sie
sich von unseren langfristigen
Vorteilen überzeugen:
Geschäftsstelle Siegen
Herrengarten 1 | 57072 Siegen
knappschaft.de
08000 200 501 (kostenfrei)
2/2012 25 Jahre durchblick 39