Mpande's - University of Zululand Institutional Repository

-21-
Die voorlopige onderhandelinge wat die Voortrekkers met Napier gevoer
het, is weerspreek deur die Britse proklamasie van 2 Desember 1841.
Daarvolgens is die Britse her-besetting van Natal aangekondig en te
kenne gegee dat die Voortrekkers eintlik afvallige Britse burgers was. In
die proklamasie is ook beskuldigings vervat van beweerde Voortrekker­
mishandeling van Mpande se onderdane in Natal. Die twis tussen die
Voortrekkers en die Britse owerheid het 'n nadelige effek op die
verhoudinge tussen Mpande en die Voortrekkerleiers van die Republiek
van Natalia gehad. Die Republiek van Natalia is op 15 Julie 1842 op
aandrang van Henry Cloete aan Britse gesag onderwerp. Die
Voortrekkers was verplig om te swig omdat Mpande plegtig inderneem
het om voortaan die Britse owerheid te steun. Cloete het by Mpande die
indruk geskep dat die Britse besetting van Natal die Voortrekker-bewind
beeindig het, aan wie hy onderhorig was. Die het voorgekom asof
Mpande tevrede was met die Britse old.'Upasie van atal. In 1842 het
Mpande 'n grondeise-ooreenkoms met die Britse owerheid gesluit
waarvolgens die grens tussen Natal en KwaZulu sou strek vanaf die
oorsprong van die Mzinyathi (Buffelsrivier) tot by die ineenvloeiing met
die Thukela.
In Junie 1843 het Mpande besef dat die instroming van Zulu drosters na
Natal sy gesag ondermyn het. Hy het die Britse owerheid versoek om die