vipaji_pages1-100

utakavyolianza jambo hilo pasipo kuingiliana na mambo yako
yanayokuwezesha kupata riziki au msaada wa mahitaji yako ya
sasa. Tafuta ushauri na pengine anza taratibu kwa muda wa ziada.
Inategemea ni jambo gani na kama linawezekana kwa
muda wa ziada. Lakini ujue kwamba kama jambo hilo linakunyima
usingizi na linakukereketa kila mara, huenda kipaji chako cha asili
kimebebwa kwenye jambo hilo.
3. Wengine Wanasemaje Juu Yako?
Njia nyingine ya kutambua una kipaji gani cha asili ni maoni
ya wengine walio karibu na wewe. Ni muhimu kusikiliza kwa makini
vile wengine walio karibu na wewe wanavyokutafsiri vile ulivyo.
Kwa kuwa kipaji cha asili kazi yake ni kuhudumia wengine
katika jambo lile ulilopewa uwezo kulifanya kwa viwango vya
ubora kuliko wengine, lazima wahusika watasema habari zako
kuhusu uwezo wako.
Hebu tafakari ni jambo gani ambalo watu huja kwako
kutafuta msaada wako, au kukuomba utoe huduma kwao kwa
jambo hilo.
Maoni ya wengi kuhusu jambo unalolimudu vizuri ni
sehemu ya ushahidi kwamba una kipaji cha asili katika jambo
hilo. Na hasa ikiwa watu wako tayari kukulipa kwa ajili ya jambo
hilo. Sio kwamba wanakupenda wewe bali wanapenda kipaji
chako. Wanakihitaji katika kuboresha mambo yao ambayo wewe
ni mmoja wa waboreshaji wao.
4. Jambo Gani Unaliweza Kwa Urahisi?
Kimsingi hakuna jambo jepesi hata kama ni dogo. Lakini
kwa muktadha wa mada hii, kati ya mambo ambayo ni magumu
kwa wengine, huenda kuna jambo ambalo kwako ni jepesi kwako
38