vipaji_pages1-100

sasa kinaweza kuona kwamba kuwekeza katika “elimu na ujuzi”
ni gharama kubwa, na kutafuta unafuu na urahisi ili kukwepa
kugharimia viwango bora vya elimu na ujuzi. Kumbe katika
kushusha “viwango vya ubora” tayari tumechagua kurithisha
“viwango duni vya elimu” kwa kizazi kinachoinukia ambacho
hakitaweza kumudu ushindani wa kimataifa katika uzalishaji.
Sio siri hivi sasa kuona kwamba watoto na vijana wetu
wamesongwa katika mazingira magumu ya kimfumo wa huduma
za elimu kwa sababu mbali mbali. Baadhi ya sababu za watoto na
vijana wetu kukosa kupata elimu bora ni pamoja na: i) uhaba wa
nafasi za kuendelea na elimu ya juu katika mfumo wa elimu yetu.
ii) udhaifu wa mitaala isiyokidhi viwango vya ubora wa elimu ya
kimataifa. iii) Vitendo vya uchakachuaji wa mitihani kunakotokana
na kukithiri kwa rushwa katika taasisi zinazosimamia mitihani. iv)
Walimu kukosa motisha katika utoaji wa elimu kwa wanafunzi.
Kwa kadiri ambavyo idadi kubwa ya watoto na vijana
wengine wanavyoishia katika viwango vya chini vya elimu;
hiyo ndiyo dalili iliyo waziwazi kwamba kizazi chetu tuliopo hivi
sasa tumeamua kurithisha ujinga kwa kizazi kijacho. Kimsingi,
tumekuwa tukifanya zoezi la kurithisha ujinga na kizazi kinachokuja
kitatukumbuka kwa urithi wa ujinga tuliokiachia.
Mabadiliko yoyote ya kimfumo hayaji kwa miujiza. Yanakuja
kwa utashi na uamuzi wa nguvu. Lazima tuutumie utashi wetu
na kufanya uamuzi wa kukataa kuendelea kurithisha ujinga kwa
watoto na vijana wetu. Uwezo na nguvu tunazo, kinachokosekana
ni nia ya dhati. Lazima tukatae kurithisha ujinga kwa watoto na
vijana wetu.
Umaskini
Kuna mtu mmoja maarufu sana anayeongoza kwa utajiri
hapa duniani anaitwa Bill Gates. Miaka ya hivi karibuni alitoa kauli
ambayo imezua mjadala mpaka hivi sasa, lakini ina ushawishi
92