vipaji_pages1-100

na halikupi shida wala kukuhenyesha kama wengine.
Mara nyingi mambo ambayo ni rahisi sasa kwako, sio
kwamba ni rahisi bali wewe umejaliwa uwezo maalum wa
kuyamudu ndiyo maana yanakuwa mepesi kwako. Katika hayo
mepesi, ambayo yanawatoa jasho wengine, huenda ndipo kipaji
chako cha asili kilipolalia.
Matumizi Mabaya Ya Vipaji Vya Asili
Katika harakati za kutafuta na kufanya mambo kwa
muktadha wa vipaji vya asili, yako mambo ambayo hayatakiwi
kutafsiriwa kuwa ni vipaji vya asili. Japokuwa wahusika wanaweza
kulazimisha na kushinikiza ya kwamba wanatumia vipaji vya asili
kufanya mambo hayo, ukweli unabakia kwamba vipaji vya asili
vinatambuliwa kwa nguvu na viashiria vyake vya ufanisi. Baadhi
ya mambo ambayo si vipaji vya asili ni haya yafuatayo:
1. Tamaa Ya Umaarufu Wa Kutajirika Haraka
Kuna watu wenye tamaa ya kutafuta utajiri wa haraka na
huwa tayari kuupata kwa haraka pasipo kufuata taratibu halali za
kuupata utajiri huo. Kundi hili hutafuta “umaarufu” kama njia ya
mkato ya kujipatia utajiri wa haraka.
Wako tayari kuwania fursa za umaarufu kama uongozi wa
kisiasa au huduma za kikanisa kwa sababu tu huko ndiko kuna
majukwaa ya kuwafikia watu wengi.
Misukumo ya jinsi hii haiwezi kutafsiriwa kuwa ni “vipaji vya
asili” kwa sababu wahusika pamoja na kutumia nguvu kubwa za
kujinadi ili wapate kukubalika, bado hushindwa kuonesha viwango
vya utendaji bora katika nafasi walizozivamia tu kwa tamaa zao
wenyewe.
39