vipaji_pages1-100

SURA YA NNE
Utangulizi
WAJIBU KWA KIZAZI CHA SASA
KURITHISHA KIZAZI KIPYA
Kitabu hiki hakitakuwa na msaada kwa msomaji kama
hakutakuwepo na uchambuzi makini unaohusu wajibu kwa kizazi
cha sasa, kizazi cha wazee, kutambua wajibu mkuu wa kurithisha
majukumu ya kijamii, kiuchumi na kiuongozi kwa kizazi kipya.
Kizazi kilichopo hivi sasa kimefikia mahali kilipo hivi sasa
kwa sababu kizazi cha zamani, kilichotangulia kiliacha misingi
ambayo kiliirithisha kwa kizazi kinachomaliza muda wake sasa.
Kwa bahati mbaya, nadharia ya uritishaji imeanza
kupoteza umuhimu wake kwa jamii kiasi kwamba kizazi kipya
hakina matumaini wala mwelekeo wa kule kinakojiandaa
kuelekea. Muktadha wa kitabu hiki ni kukihimiza kizazi cha sasa
kinachomaliza muda wake kutimiza wajibu wake wa kurithisha
kizazi kipya majukumu ya msingi kwa mustakabari wa taifa.
Makundi muhimu yenye wajibu wa kusimamia mchakato
wa urithishaji kwa kizazi kipya unaanzia na “wazazi” au “walezi”
katika ngazi ya familia. Ngazi ya familia ndio kitovu cha malezi
kuanzia mtoto anapozaliwa, kukua hadi anapofikia umri wa
kujitegemea kama mtu mzima.
Kundi la pili ambalo linahusika katika wajibu wa kurithisha
kizazi kipya ni kanisa. Natumia msamiati kanisa kwa maana ya
taasisi inayosimamia kueneza na kurithisha maadili ya kiimani
kwa wafuasi wake. Wakati familia ni mlezi mkuu wa maisha ya
81