vipaji_pages1-100

kujifunza kwa akili ili kupata ujuzi wa maisha ya kila siku.
• Jumbe Za Vitisho Na Udhalilishaji (Cyberbullying)
• Shirika moja lijulikanalo kama Enough is Enough, lilifanya utafiti
na kugundua kwamba 95% vijana wanaotumia mitandao ya
kijamii wameshuhudia mawasiliano ya vitisho na udhalilisha na
33% yao ni waathirika wa mawasliano hayo
• Watoto Huathirika Vibaya Zaidi Na Mitandao Ya Kijamii
Wasipodhibitiwa
• Hii ni kwa sababu kwenye mitandao hii zinarushwa picha
mbaya za ugomvi na picha za uchi ambazo huwaathiri
kisaikolojia watoto na vijana. Baadaye husababisha watoto na
vijana kujihusisha na vitendo vya uhalifu na ngono haramu.
• Kichocheo Cha Mkengeuko Wa Maadili Mema
• Maambukizi ya mkengeuko wa maadili ya kimaani na
kiutamaduni kwa sababu ya mwingiliano wa walioharibika
kitabia, waliojaa tamaa ya kupata faida kubwa bila kujali
maadili mema katika nchi husika.
Changamoto Za Ndani
Katika utangulizi wa sehemu hii tumepata tafsiri kuhusu
changamoto za ndani kuwa ni mambo hasi ya ndani yanayomwathiri
kila mtu binafsi kitabia. Katika uchambuzi wa changamoto za
ndani tunakwenda kutumia msamiati mpya ambao unaitwa “tabia
sugu”. Msamiati huu unalenga kuchambua tabia sugu zenye
kuathiri utendaji wa vipaji ndani ya mhusika.
Tafsiri Ya Misamiati Ya Tabia Sugu
Sasa tumefikia kipengele ambacho hasa ndio kikwazo
sugu chenye kuathiri vipaji vya asili katika jamii. Labda nianze na
uchambuzi wa misamiati. Kwa mujibu wa Kamusi ya Kiswahili
Sanifu, neno “tabia” limetafsiriwa kuwa ni: “mazoea yatokanayo
na kurudiarudia hali, mwenendo au matendo”
55