Indpendent Agencies Report - Alb, Ser, Eng.pdf - QKSS

që kanë të bëjnë me qytetarët e Kosovës jashtë territorit të Kosovës. 10 Sa i përket pranisë ushtarake
ndërkombëtare (KFOR-it), Ombudspersoni është i autorizuar të negociojë dhe nënshkruajë marrëveshje
bashkëpunimi me Komandantin e Forcave të NATO-s në Kosovës(COMKFOR); pa marrëveshje të tilla,
Ombudpsersoni nuk ka të drejtë ligjore për të vepruar në lidhje me çështjet që kanë të bëjnë me KFORin.
11
Pushteti i Avokatit të Popullit përfshin kompetencën që të mund të pranojë ankesa, të vëzhgojë, të hetojë
dhe të ofrojë shërbime të mira, të ndërmarrë masa preventive, të bëjë rekomandime dhe të jep këshilla
për çështjet që kanë të bëjnë me punën e tij apo saj. 12 Nëse konkludohet, që autoriteti publik me të
vërtetë ka shkelur të drejtat e njeriut, Avokati i Popullit ka të drejtë të ndërmerr të gjitha masat e
nevojshme,duke përfshirë edhe intervenimin e drejtëpërdrejtë te autoritet përkatëse, të cilat duhet të
përgjigjen brenda një afati të arsyeshëm kohor. 13 Ky intervenim, gjithashtu mund të përfshijë edhe
rekomandimin për autoritetet kompetente, që procedurat disiplinore apo penale të iniciohen kundër
personave të caktuar të inkriminuar në to, apo që ekzekutimi i vendimit kundër personit të pezullohet,
d.m.th. vendimi nuk mund të zbatohet derisa Ombudspersoni t’i bëjë hetimet e rastit. 14
Gjatë hetimeve, Avokati i Popullit mund të hyjë dhe kontrollojë çdo vend ku njerëzit janë privuar nga
liria dhe mund të marrë pjesë në mbledhje apo seanca gjyqësore që kanë të bëjnë me njerëzit e tillë, duke
e pasur parasysh që Avokati i Popullit ka të drejtë të ketë qasje dhe t’i kontrollojë dosjet dhe dokumentet
e administratës së përkohshme civile dhe të çdo institucioni qendror apo lokal. Megjithatë, zbatimi i
pushtetit të Avokatit të Popullit ishte ende i dobët, ngase nuk mund të iniconte procedurë ligjore kundër
autoriteteve publike, kur ata nuk bashkëpunin ose refuzonin të zbatonin rekomandimet e lëshuara nga
Avokati i Popullit. Lëshimi i rekomandimeve dhe publikimi i shkeljeve ishin të vetmet instrumente që
kishte në dispozicion Avokati i Popullit. Në rast të mos pajtueshmërisë, i vetmi mjet juridik në
dispozicion të Ombudspersonit ishte që t’i drejtohet PSSP-së, i cili nuk ishte i obliguar të ndërmerr
ndonjë veprim ndaj autoritetit publik, që kishte refuzuar të ndiqte rekomandimin e Ombudspersonit.
2. Legjislacioni aktual
10 Po aty, neni 3.2.
11 Po aty, neni 3.4.
12 Po aty, neni 4.1.
13 Po aty, neni 4.5.
14 Po aty, neni 4.6 dhe 4.10.
8