Indpendent Agencies Report - Alb, Ser, Eng.pdf - QKSS

themeluara të Kosovës. Në të kaluarën e afërt, populli i Kosovës është abuzuar nga autoritetet publike
dhe institucionet e sigurisë, janë përdorur si instrumente të represionit politik dhe janë shkelur rëndë të
drejtat dhe liritë themelore të njeriut. Është thelbësore, që Kosova të bëhet demokraci e sundimit të ligjit
dhe respektimit të plotë të drejtave të njeriut. Prandaj, vendi ka nevojë për institucione të pavarura, të
afta për të siguruar kontrollin reciprok të kërkuar dhe të mbajë institucionet e sigurisë në kuadër të
kufijve të vet kushtetues.
Qëllimi i studimit aktual është që të vlerësojë Institucionin e Avokatit të Popullit, Revizorin e
Përgjithshëm dhe Agjencinë Kundër Korrupsionit. Ato janë institucionet e pavarura më të rëndësishme,
në cilësi të kontrollimit të institucioneve të sigurisë dhe të sigurimit të përgjegjësisë dhe transparencës
publike të kërkuar .
Ky studim do të vlerësojë punën e këtyre tri institucioneve të pavarura dhe kornizën ligjore lidhur me
sektorin e sigurisë, për të identifikuar përparësitë dhe të metat e tyre institucionale dhe instrumentale.
Vlerësimi do të ndiqet me një përvijim të zbatimit praktik të legjislacionit relevant, duke u përqendruar
veçanërisht në rolin e qeverisë, kuvendit dhe departamentit të drejtësisë në mbështetjen e institucioneve
të pavarura. Gjithashtu, do t’i identifikojë problemet aktuale strukturore dhe sistematike, të cilat
pengojnë efektivitetin e tyre. Ky studim do të nxjerrë përfundime dhe rekomandime mbi atë se si të
përmirësohet funksionimi i Institucionit të Avokatit të Popullit, Auditorit të Përgjithshëm dhe Agjencisë
Kundër Korrupsionit. Metodologjia e aplikuar këtu, bazohet kryesisht në analiza interpretuese të
legjislacionit relevant dhe analiza cilësore të praktikës faktike. Ky studim, gjithashtu shqyrton raportet
ekzistuese në dispozicion dhe përfshin intervistat me akterët si nga sektori publik ashtu edhe ai civil.
6