Indpendent Agencies Report - Alb, Ser, Eng.pdf - QKSS

Popullit është që mund ta vë në dijeni Kuvendin e Kosovës dhe Qeverinë dhe mund të dalë me një
deklaratë publike për këtë çështje.
3. Kushtetuta e Republikës së Kosovës
Kushtetuta e Republikës së Kosovës, e cila ka hyrë në fuqi më 15 qershor 2008, i jep Avokatit të Popullit
statusin e institucionit të themeluar dhe të mbrojtur drejtpërsëdrejti me kushtetutë. Sipas rrethanave të
reja kushtetuese, Avokati i Popullit caktohet nga Kuvendi i Kosovës. Prandaj, pavarësia e Avokatit të
Popullit lejohet me Kushtetutë, dhe tani është kërkesë kushtetuese për secilin institucion apo autoritet
që ushtron pushtet legjitim në Republikën e Kosovës t’i përgjigjet kërkesave të Avokatit të Popullit, p.sh.
të dorëzojë dokumentacionin dhe informatën e kërkuar në pajtim me ligjin. Funksioni kushtetues i
Avokatit të Popullit është që të monitorojë, mbrojë dhe ruaj të drejtat dhe liritë e individëve nga
veprimet ose mosveprimet e paligjshme dhe të parregullta të autoriteteve publike. Ky është një
formulim shumë i gjerë. Së këndejmi, është e paqartë nëse ai mbulon vetëm autoritetet publike të
themeluara me Kushtetutën e Republikës së Kosovës, ose nëse ai shtrihet tek autoritetet publike tjera që
veprojnë në Kosovë, p.sh. Prania Ndërkombëtare Civile, Misioni i BE-së për Sundimin e Ligjit në Kosovë
(EULEX-i), KFOR-i dhe UNMIK-u. Megjithatë, Kushtetuta i kufizon kompetencat e Avokatit të Popullit
për të bërë rekomandime dhe propozuar veprime kur vihet në përfundim, që ka pasur shkelje të të
drejtave dhe lirive të njeriut nga administrata publike ose autoritetet shtetërore.
Risi, është e drejta e Avokatit të Popullit për t’i drejtuar pyetje Gjykatës Kushtetuese për pajtueshmërinë
kushtetuese të ligjeve, dekreteve presidenciale, rregulloreve të qeverisë dhe statuteve komunale.
Kompetenca për të kontrolluar kushtetutshmërinë nuk shtrihet përkitazi,deri tek aktet individuale ose
mosveprimet e autoriteteve shtetërore, që mund të jenë shkelje specifike ose individuale e të drejtave të
njeriut.
4. Projekt ligji për Avokatin e Popullit
Duke pasur parasysh ndryshimet në nivelin kushtetues, Qeveria ia ka dorëzuar Kuvendit të Kosovës
projekt ligjin e ri për Avokatin e Popullit. Projekt ligji përmban disa risi për kompetencat ekzistuese të
Avokatit të Popullit, p.sh. kur ai inicion hetimet, Avokati i Popullit duhet të ketë pëlqimin e personit, të
drejtat e të cilit supozohet të jenë shkelur. Gjithashtu, Ombudspersoni nuk mund të intervenojë në rastet
para gjykatave, vetëm nëse vetë procedurat gjyqësore vonohen pa arsye ose ka abuzim të autoritetit
haptas. Tani është thënë shumë qartë, që Avokati i Popullit mund të hyjë në objektet zyrtare të të gjithë
10