Indpendent Agencies Report - Alb, Ser, Eng.pdf - QKSS

ndjek Avokati i Popullit kur e proceson ankesën ndaj AKI, atëherë çfarë nëse AKI i cakton rregullat dhe
procedurat. të cilat do të mund ta pengonin ose vononin dukshëm procedimin efektiv të ankesave
dhe/ose mund të mos jenë në pajtim me pavarësinë kushtetuese të Avokatit të Popullit?
Interpretimi i mundshëm i ligjit mund të jetë, që dispozitat ligjore të zbatohen në kuptimin që AKI ka
procedurat e veta për ankesa, të zhvilluara në konsultim me Avokatin e Popullit, ndërsa Avokati i
Popullit zbaton procedurat e veta kur drejton ankesë ndaj AKI-së, siç është përmendur më lartë.
Informatat e klasifikuara gjithsesi do të mbrohen me legjislacion të veçantë dhe Avokati i Popullit
tanimë do të duhet t’i miratojë rregullat dhe procedurat e veta për këtë çështje, në mënyrë që mos ketë
nevojë për AKI-në, që të hartojë rregulla dhe procedura të reja vetëm për hir të ruajtjes së informatave të
klasifikuara. Rrjedhimisht, personi i ndikuar ka mundësinë, si për parashtrimin e ankesës tek AKI ashtu
edhe tek Institucioni i Avokatit të Popullit.
Kurdoherë, që ankesa dorëzohet në AKI, lidhur me aktivitetet e AKI-së, është përgjegjësi e Inspektorit të
Përgjithshëm të AKI-së të hetojë këtë ankesë. 21 Por, ligji nuk e qatëson se kush ka kompetencë të marrë
vendimin përfundimtar për kërkesën në fjalë. Formulimi i ligjit sugjeron që Inspektori i Përgjithshëm,
pas hetimit të ankesës, t’i rekomandojë drejtorit të AKI-së veprime korrektuese, 22 por duke ia lënë në
diskrecion Drejtorit të AKI-së për të vendosur, nëse dhe cfarë lloji të veprimit korrektues do të
ndërmerrë në fund. Dispozitat e ligjit, në lidhje me procedurat e AKI-së për ankesa, janë shumë të
paqarta dhe të hapura për interpretim. Kjo gjë do të duhet të rregullohet me rregullat e reja të AKI-së
për ankesa. Për momentin, megjithatë, nuk ka ndonjë informatë që e vërteton nëse AKI ka zhvilluar me
të vërtetë rregullat e tilla, ndërsa deri më tani, nuk është publikuar asgjë zyrtarisht nga AKI në këtë
drejtim.
2. Policia e Kosovës
Ekzistojnë dy lloje të veprimeve nga ana Policisë së Kosovës, të cilat mund t’i nënshtrohen ankesës,
d.m.th. veprimet policore që ndikojnë në mënyrë të pafavorshme te personat e tretë jashtë Policisë së
Kosovës dhe veprimeve të policisë, që ndikojnë në Zyrtarët e Policisë së Kosovës, në lidhje me statusin
e tyre ligjor dhe të drejtat e punësimit. Sa i përket veprimeve të policisë ndaj personave të tretë,
Inspektorati Policor i Kosovës është përgjegjës për hetimin e akuzave për vepra të rënda apo të lehta
disiplinore, të kryera nga Drejtori i Përgjithshëm, Zëvendësdrejtori i Përgjithshëm apo ndonjë
21 Po aty, neni 10.7.
22 Po aty, neni 10.3.
12