Indpendent Agencies Report - Alb, Ser, Eng.pdf - QKSS

autoriteteve publike, ndërsa në të kaluarën kompetenca e tillë ka qenë e kufizuar, sa i përket hyrjes në
vende, ku njerëzit kanë qenë të privuar nga liria.
Megjithatë, kompetencat mbeten “ të buta”, d.m.th. mosbashkëpunimi me Avokatin e Popullit ose
moszbatimi i rekomandimit të tij mund të rezultojë me rekomandim tjetër për ndërmarrjen e veprimit
disiplinor ndaj shërbyesit civil. Zbatimi i të cilit varet nga diskrecioni i autoritetit publik përkatës. Sipas
projekt ligjit të ri, Avokati i Popullit vazhdon të pranoj fonde nga Buxheti i Konsoliduar i Kosovës.
Megjithatë, në projekt ligj thuhet qartë, që Avokati i Popullit duhet të ia dorëzojë propozimin e buxhetit
vjetor të tij drejtpërsëdrejti Kuvendit të Kosovës 17 , në këtë mënyrë duke iu shmangur ndërhyrjes së
mundshme të qeverisë në ndarjen e buxhetit të Institucionit të Avokatit të Popullit. Deri më tani,
pikërisht, kjo ndërhyrje e mundshme është kritikuar të jetë një prej pengesave më madhore të pavarësisë
së Avokatit të Popullit, sipas legjislacionit ekzistues. 18
II. Legjislacioni lidhur me sektorin e sigurisë
1. Agjencia e Kosovës për Inteligjencë
Ligji mbi Agjencinë e Kosovës për Inteligjencë është legjislacioni i vetëm, i cili në mënyrë të qartë i jep
individëve, institucioneve dhe palëve të treta të drejtë të ankesës ndaj veprave të Agjencisë së Kosovës
për Inteligjencë (AKI) tek Institucioni i Avokatit të Popullit. 19 Personat e ndikuar nga veprimet e
ndërmarra të AKI mund t’i adresojnë ankesat e tyre te Avokati i Popullit dhe në të njëjtën kohë të
ngrisin padi në gjyq kundër AKI-së. Për më tepër, ligji thotë, që AKI është e obliguar të zhvilloj
rregulloren mbi mekanizmin e ankesave, e cila duhet të zhvillohet në konsultim me Avokatin e
Popullit. 20 Në krahasim me rregullat dhe rregulloret tjera të AKI-së, këto procedura dhe ankesa janë
publike dhe nuk mund të klasifikohen si dosje të fshehta.
Megjithatë, ligjet që rregullojnë mekanizmin e ankesave nuk janë plotësisht të qarta. Formulimi i ligjit
mund të nënkuptojë, që ose AKI i zhvillon regullat, të cilat Avokati i Popullit duhet t’i përmbahet kur
parashtrohet ankesa, ose AKI ka mekanizmat e vet për ankesa, rregullat e të cilit duhet t’i zhvillojë në
konsultim me Avokatin e Popullit. Opcioni i mëparshëm do të ngriste shqetësime serioze nga pikëpamja
kushtetuese, sa i përket pavarësisë së Avokatit të Popullit. Nëse AKI i cakton rregullat, të cilat duhet t’i
17 Projekt ligji për Avokatin e Popullit, neni 34.1. dhe 2.
18 Intervista me Hilmi Jasharin, më 24 shkurt 2010
19 Ligji nr. 03/L-063 mbi Agjencinë e Kosovës për Inteligjencë, neni 39.2.
20 Po aty, neni 7.3 (xix)
11