Indpendent Agencies Report - Alb, Ser, Eng.pdf - QKSS

mënyrë të pavarur dhe nuk mund t’i nënshtrohet kurrfarë direktive ose kontrolli nga ndonjë person ose
institucion. 67 Në veçanti, Revizori i Përgjithshëm nuk mund t’i nënshtrohet kurrfarë direktive për atë se
duhet apo nuk duhet të bëhet një revizion i caktuar, për mënyrën si duhet të bëhet një revizion i caktuar
dhe për përparësinë që duhet dhënë ndonjë çështjeje të caktuar. 68
Ligji theskon kushtet e Kushtetutës, që deri në fund të mbikëqyrjes ndërkombëtare në Kosovë, Revizori i
Përgjithshëm emërohet nga Përfaqësuesi Ndërkombëtarë Civil (PNC). Megjithatë, si në ligji ashtu edhe
në Kushtetutë përcaktohet, që Revizori i Përgjithshëm shkarkohet nga Kuvendi i Kosovës me kusht që të
plotësohen disa kushte. 69 Ndonëse, është e qartë që Revizori i Përgjithshëm zgjedhet nga PNC, por nuk
është e qartë, nëse Kuvendi i Kosovës mbetet përgjegjës për shkarkimin e Revizorit të Përgjithshëm apo
ndoshta edhe kompetenca për shkarkim i ngarkohet PNC-së. Propozimi për Zgjedhje, Kushtetuta dhe
ligji mbeten të heshtura në pyetjen se kush është autoriteti që e kryen shkarkimin, meqë përcaktohet
vetëm që PNC është autoriteti, që e bën shkarkimin. Në njërën anë mund të diskutohet, që është parim i
ligjit që autoriteti që e bënë emërimin duhet domosdoshmërisht të jetë edhe ai që bënë shkarkimin
gjithashtu, prandaj PNC është përgjegjës për shkarkimin e Revizorit të Përgjithshëm gjatë periudhës
tranzitore. Në anën tjetër, mund të diskutohet, që çfarëdo kompetence që nuk është e përcaktuar në
mënyrë të qartë për PNC, mbetet në kuadër të autoritetit të përcaktuar në ligj, që do të nënkuptonte se
Kuvendi do të ketë kompetencën për shkarkimin e Revizorit të Përgjithshëm.
Kjo pyetje nuk ka vetëm rëndësi teorike, meqë marrëveshjet për shkarkimin e Revizorit të Pëgjithshëm
kanë ndikim në shkallën e pavarësisë së tij. Ky është një ndryshim i dukshëm, nëse Revizori i
Përgjithshëm shkarkohet në bazë të gjykimit të një personi të vetëm, siç është PNC-ja, ose në bazë të
vendimit me shumicën e dy të tretave, të të gjithë deputetëve të Kuvendit të Kosovës, në bazë të
propozimit të Presidentit të Kosovës ose me nismën e një të tretës së deputetëve të Kuvendit të
Kosovës 70 . Nëse PNC-ja është autoriteti shkarkues, nuk është e qartë gjithashtu nëse PNC lidhet për
arsyet, që lejojnë shkarkimin siç është paraparë në ligj ose nëse PNC ka diskrecion të plotë në
përcaktimin se kur dhe për çfarë arsye ai/ajo mund ta shkarkojë Revizorin e Përgjithshëm.
67 Ligji nr. 03/L-075 mbi themelimin e Zyrës së Revizorit të Përgjithshëm dhe Zyrës së Revizionit të Kosovës, neni 2.1.
(Referencat e mëtutjeshme për nenet e Ligjit nr. 03/L-075 mbi themelimin e e Zyrës së Revizorit të Përgjithshëm dhe Zyrës së
Revizionit të Kosovës, poqëse nuk përcaktohet ndryshe).
68 Po aty, neni 2.2.
69 Po aty, neni 2.10.
70 Kushtetuta e Kosovës, neni 136.4
19