Indpendent Agencies Report - Alb, Ser, Eng.pdf - QKSS

AUDITORI I PËRGJITHSHËM
Legjislacioni për Revizorin e Përgjithshëm
1. Kushtetuta
Funksionet dhe përgjegjësitë e Revizorit të Përgjithshëm rregullohen me Kushtetutën e Republikës së
Kosovës dhe Ligjin mbi themelimin e zyrës së revizorit të përgjithshëm dhe zyrës së revizionit të
Kosovës. 61 Në Kushtetutë thuhet që, Revizori i Përgjithshëm në Kosovë është institucioni më i lartë i
kontrollit ekonomik dhe financiar. 62 Në këtë cilësi, Revizori i Përgjithshëm ka obligim kushtetues të
kontrollojë:
(i) veprimtarinë ekonomike të institucioneve publike dhe personave të tjerë juridikë shtetërorë;
(ii) përdorimin dhe mbrojtjen e fondeve publike nga organet e pushtetit qendror dhe lokal;
(iii) veprimtarinë ekonomike të ndërmarrjeve publike dhe personave juridikë tjerë, tek të cilat Shteti ka
një pjesë të aksioneve ose kur huat, kreditë dhe detyrimet e tyre garantohen nga shteti. 63
Revizori i Përgjithshëm zgjedhet dhe shkarkohet nga Kuvendi i Kosovës, të cilit ai i paraqet raport. 64
Megjithatë, në Kushtetutë thuhet, si marrëveshje kalimtare që, deri në fund të mbikëqyrjes
ndërkombëtare dhe zbatimit të Propozimit Gjithëpërfshirës për Zgjedhjen e Statusit të Kosovës, datë 26
mars 2007, Revizori i Përgjithshëm duhet të jetë një ndërkombëtarë i emëruar nga Përfaqësuesi
Ndërkombëtarë Civil. 65 Prandaj, Kushtetuta përfshin kërkesën e përcaktuar drejtpërsëdrejti në
Propozimin Gjithëpërfshirës për Zgjedhjen e Statusit të Kosovës të datës 26 mars 2007, e cila ka epërsi
ndaj të gjitha dispozitave tjera të Kushtetutës. 66
2. Ligji
Ligji për themelimin e Zyrës së Revizorit të Përgjithshëm dhe Zyrës së Revizionit të Kosovës qartëson
domethënien e “pavarësisë” duke saktësuar, që Revizori i Përgjithshëm duhet t’i kryejë detyrat e tij në
61 Ligji nr. 03/L-075 mbi themelimin e Zyrës së Revizorit të Përgjithshëm dhe Zyra e Revizionit të Kosovës .
62 Kushtetuta e Kosovës, neni 136.1
63 Po aty, neni 137.
64 Po aty, nenet 136.3 dhe 138.
65 Po aty, neni 157.
66 Po aty, neni 143.
18