Indpendent Agencies Report - Alb, Ser, Eng.pdf - QKSS

PËRMBLEDHJA EKZEKUTIVE
Kuvendi i Kosovës ka themeluar Avokatin e Popullit, Auditorin e Përgjithshëm dhe Agjencinë Kundër
Korrupsionit, si institucione të pavarura shtetërore. Këto institucione kanë një rol shumë të rëndësishëm
në sigurimin e zbatimit të kontrollit reciprok dhe respektimin e plotë të sundimit të ligjit nga të gjitha
autoritetet publike, duke përfshirë institucionet e reja të sigurisë në Kosovë. Derisa kornizat ligjore,
institucionale dhe të politikave në fuqi janë në pajtim me standardet demokratike të njohura
ndërkombëtarisht, ato ende vuajnë nga dykuptimësitë në formulimet ligjore, si rezultat i mungesës së
përvojës së hartimit ligjor. Gjithashtu, zbatimi i këtyre kornizave ka mbetur mbrapa për shkak të
ndërhyrjeve politike të pavend, që e pengojnë seriozisht funksionimin e paanshëm dhe efektiv të këtyre
institucioneve të pavarura. Këto ndërhyrje përfshijnë:
• mungesën e vazhdimësisë nga ana e qeverisë dhe parlamentit për rezultatet dhe
rekomandimet e dorëzuara atyre nga institucionet e pavarura;
• përpjekjet nga ana e qeverisë për të ndikuar në përbërjen dhe rezultatet e tyre;
• kuadrot joadekuate dhe ndarjen joadekuate e burimeve financiare;
• keqpërdorimin e dykuptimësive në legjislacionin ekzistues si rezultat i hartimit ligjor të
dobët;
• mungesën e mbështetjes politike nga ana e qeverisë dhe parlamentit;
• asistencën e pamjaftueshme nga sektori i drejtësisë.
Qeveria dhe Kuvendi i Kosovës duhet të udhëheqin si shembull i mirë dhe të demonstrojnë publikisht
mbështetjen e palëkundur për institucionet e pavarura. Ata, duhet ta respektojnë pavarësinë e tyre të
garantuar me kushtetutë dhe ligj. Përndryshe, nëse vazhdojnë praktikat aktuale, atëherë institucionet e
sigurisë nuk do të kenë motiv për të bashkëpunuar me institucionet e pavarura. Sidoqoftë, thjeshtë ata
kanë “kompetenca të buta” dhe gjithashtu varen plotësisht nga departamenti shumë i dobët i drejtësisë
për zbatimin e veprimeve.
Për arsyen që institucionet e sigurisë janë ende në fazat e hershme të zhvillimit të tyre dhe ende nuk e
kanë zhvilluar aftësinë institucionale që të jenë plotësisht funksionale, ato ende i ekspozohen shkeljeve
të mundshme të të drejtave të njeriut, keqpërdorimit të fondeve publike dhe ndikimit negativ përmes
4