Indpendent Agencies Report - Alb, Ser, Eng.pdf - QKSS

mbrohen interesat vitale të sigurisë së Kosovës. 91 Kjo përsëri mund të interpretohet si dispozitë e gjerë
dhe e paqartë, duke i lejuar drejtorit të AKI-së diskrecion të pamasë. Në një institucion, përgjegjësia e të
cilit është mbledhja e informatave që kanë të bëjnë me kërcënimin e sigurisë së Kosovës, pothuajse çdo
veprim cilësohet i domosdoshëm për mbrojtjen e interesit vital të sigurisë së Kosovës dhe në këtë
mënyrë t’i jipet drejtorit të AKI-së arsyetimi për parandalimin e Inspektorit të Përgjithshëm në kryerjen
e hetimeve dhe revizioneve. Pastaj, përsëri Inspektori i Përgjithshëm duhet t’i raportojë organit
mbikëqyrës parlamentar, i cili gjithashtu është përgjegjës për mbikëqyrjen e ligjshmërisë së punës së
AKI-së dhe për shqyrtimin e raporteve nga Drejtori i AKI-së lidhur me veprimet dhe shpenzimet e AKIsë.
92 Nëse Drejtori i AKI-së nuk i përmbahet rekomandimeve të Inspektorit të Përgjithshëm për
ndërmarrjen e veprimeve korrektuese në lidhje me veprimtaritë joligjore, organi mbikëqyrës
parlamentar ka mundësinë të ftojë Kryeministrin të ndërmarrë masat e nevojshme, duke përfshirë
inicimin e shqyrtimit të përgjegjësisë. 93 Atëherë, varet nga Kryeministri nëse ai/ajo dhe deri në çfarë
mase do ta mbështesë Drejtorin e AKI-së, por në fakt, as Inspektori i Përgjithshëm e as organi
mbikëqyrës parlamentar nuk kanë mekanizma për ta detyruar Drejtorin e AKI-së t’i përmbahet ligjit.
Funksionin e kontrollit të brendshëm dhe revizionit që ka Inspektori i Përgjithshëm janë veprime
plotësuese të revizionit të jashtëm që i kryen Revizori i Përgjithshëm. Ndërsa, Revizori i Përgjithshëm
është i obliguar të mbrojë informatat e ndjeshme, duke mos publikuar apo zbuluar në raportin publik
asnjë informatë , që klasifikohet me ligj si konfidenciale. Projekt ligji i ri për klasifikimin e informatave
dhe verifikimin e sigurisë mund t’i paraqesë sfida të reja Revizorit të Përgjithshëm në ushtrimin e
funksioneve të auditimit sa i përket AKI-së. Sipas këtij projekt ligji , i cili vlen gjithashtu për institucionet
e pavarura siç është Revizori i Përgjithshëm. Zyrtarët publik mund të kenë qasje në informatat e
klasifikuara si “TEPËR SEKRETE”, “SEKRETE” dhe “KONFIDENCIALE” vetëm nëse kanë vërtetim të
vlefshëm mbi sigurinë dhe të kenë nevojë për të qenë në dijeni të këtyre informatave, që ta kryejnë
misionin apo detyrën e tyre zyrtare. 94
Ndërsa, drejtori i AKI-së ka kompetencë ta klasifikojë informatën si “TEPËR SEKRET” 95 , është gjithashtu
AKI, që ka përgjegjësi për të zhvilluar procedura të verifikimit të sigurisë për të gjitha autoritetet
91 Neni 10.6
92 Po aty, neni 36.6.
93 Po aty, neni 37.3.
94 Ligji mbi klasifikimin e informatave dhe verifikimin e sigurisë, neni 22
95 Po aty, neni 7.2.
23