Indpendent Agencies Report - Alb, Ser, Eng.pdf - QKSS

Revizionit të Kosovës, e cila ka shtuar numrin e personelit kohëve të fundit prej 92 në 116 punonjës,
është institucion relativisht i ri, kapacitetet e së cilës megjithatë janë duke u përmirësuar gradualisht. 127
Mungesa e përvojës së mjaftueshme dhe burimeve adekuate ka shkaktuar që Revizori i Përgjithshëm të
mos jetë në gjendje të bëjë auditimin e të gjitha autoriteteve publike nën kompetencat e tij audituese.
Megjithatëse, përgjithësisht pranohet, që raportet e auditimit janë dorëzuar me kohë dhe me cilësi të
mirë, publikimi i tyre duket të jetë vonuar për shkak të ndërhyrjeve të qeverisë. Disa parlamentarë kanë
shprehur shqetësimet e tyre, që raportet e auditimit mund të jenë “korrigjuar” pas ndërhyrjes së
qeverisë gjatë periudhës kohore ndërmjet dorëzimit dhe publikimit të raporteve. Gjithashtu, ekzistojnë
disa raporte në media, që në disa raste Revizorit të Përgjithshëm i është bërë presion nga qeveria për t’i
zbutur të gjeturat e tij në raportet e auditimit, duke deklaruar publikisht që të gjeturat “nuk janë aq të
këqija” për ta minuar ndikimin e tyre. Gjithashtu, janë ngritur disa shqetësime, që Zëvendës Revizorët e
Përgjithshëm mund të jenë zgjedhur për emërim nën ndikime politike, gjë që mund të ketë ndikim
negativ në operacionet e Revizorit të Përgjithshëm. Ndërhyrjet shtesë të qeverisë, në funksionimin e
Revizorit të Përgjithshëm manifestohen me faktin që qeveria nuk i ka lëshuar fondet e alokuara për
Revizorin e Përgjithshëm deri në muajin nëntor të vitit 2009, gjë që e ka vështirësuar punën e Revizorit
të Përgjithshëm për të audituar buxhetin vjetor 2008-2009 Revizori i Përgjithshëm është vendosur në
lokalet, ku nuk ka hapësirë të mjaftueshme për të gjithë punëtorët, gjë që vë pengesa shtesë për
funksionimin e tyre. 128
Këto rrethana tregojnë, që Revizori i Përgjithshëm do të përballet me sfida të shumta kur të kryejë
auditimin e institucioneve të sigurisë së Kosovës, veçanërisht në fazat fillestare të zhvillimit të tyre, kur
shumë veprimtari të prokurimit publik do të kërkohet t’i bëjnë ato funksionale. Mungesa e mbështetjes
qeveritare dhe e trajtimit adekuat në Kuvendin e Kosovës mund t’i provokoj institucionet e sigurisë t’i
injorojnë raportet e auditimit, të përgatitura nga Revizori i Përgjithshëm, po të mos ketë mekanizma
sanksionues në zbatim, që do t’u ofronte shtytje të nevojshme për të iu përmbajtur atyre.
127 Intervistë me z. Lars Large Olofsson.
128 Intervistë me z. Artan Venhari, KIPRED
29