Indpendent Agencies Report - Alb, Ser, Eng.pdf - QKSS

AVOKATI I POPULLIT
I. Legjislacioni për Avokatin e Popullit
1. Themelimi i Institucionit të Avokatit të Popullit
Institucionin e Ombudspersonit në Kosovë, e themeloi Përfaqësuesi Special i Kombeve të Bashkuara në
qershor të vitit 2000 5 , që në atë kohë ishte autoriteti më i lartë legjislativ dhe ekzekutiv në Kosovë, sipas
Rezolutës 1244 (1999) të Këshillit të Sigurimit të Kombeve të Bashkuara. Qëllimi kryesor i
Ombudspersonit është përkrahja dhe mbrojtja e të drejtave dhe lirive të individëve dhe personave fizikë
dhe garanton se të gjithë njerëzit në Kosovë mund t’i gëzojnë të drejtat e njeriut dhe liritë themelore, që
do të mbrohen në mënyrë efektive me standardet ndërkombëtare të të drejtave të njeriut, sidomos me
Konventën Evropiane për të Drejtat e Njeriut dhe Protokolat e saj dhe Konventën Ndërkombëtare mbi të
Drejtat Civile dhe Politike. 6 Për ta arritur këtë qëllim, Ombudspersoni ofron mekanizma të përdorshëm
dhe të përshtatshëm për shqyrtimin dhe përmirësimin e gabimeve të veprave që paraqesin keqpërdorim
të pushtetit nga ana e Administratës së Përkohshme Civile apo keqpërdorimeve që mund të paraqiten
nga cilido institucion qendror a lokal. 7 Shprehja “paraqiten nga cilido institucion qendror apo lokal”
është përfshirë në legjislacion sepse në atë kohë, kur është shpallur Rregullorja për Ombudspersonin
nga UNMIK-u, në Kosovë nuk kanë ekzistuar institucionet vetëqeverisëse, ndonëse ishin në zanafillë të
themelimit të tyre. Edhpse i caktuar nga PSSP-ja, Ombudspersonit menjëherë i është garantuar
pavarësia në ushtrimin e kompetencave të tij. 8
Ombudspersoni ka të drejtë ligjore për të pranuar dhe hetuar ankesat e çdo personi apo subjekti në
Kosovë, që kanë të bëjnë me shkeljen e mundshme të të drejtave të njeriut dhe veprave, që paraqesin
keqpërdorim të mundshëm të pushtetit nga ana e Administratës së Përkohshme Civile apo nga ndonjë
institucion qendror a lokal i ardhshëm, që themelohet nga UNMIK-u. 9 Juridiksioni i Ombudspersonit
shtrihet në territorin e Kosovës. Ombudspersoni mund t’i ofrojë gjithashtu, shërbimet e veta për rastet
5 Rregullorja e UNMIK-ut, nr. 2000/38 mbi themelimin e Institucionit të Avokatit të Popullit në Kosovë, neni 1.
6 Po aty, neni 1.1.
7 Po aty, neni 1.2.
8 Po aty, nenet 6.2 dhe 2.1.
9 Po aty, neni 3.1.
7