Indpendent Agencies Report - Alb, Ser, Eng.pdf - QKSS

shprehet me faktin, që Institucioni i Avokatit të Popullit nuk gëzon mbështetje sa i përket burimeve të
nevojshme financiare dhe njerëzore, në mënyrë që ta kryejë punën e vet në mënyrë efektive.
Mundësia për përjashtimin e Avokatit të Popullit nga marrja e informatave të klasifikuara është një
pengesë tjetër shumë serioze në funksionimin e Avokatit të Popullit. Gjithashtu, ka indikacione për
përpjekje në ushtrimin e ndikimit politik mbi Institucionin e Avokatit të Popullit siç ka treguar edhe
vonesa e madhe për emërimin e Avokatit të Popullit. E fundit, por jo më pak e rëndësishme, është
mungesa e juridiksionit të Avokatit të Popullit mbi institucionet ndërkombëtare, që ushtrojnë autoritet
publik në Kosovë, siç është KFOR-i, Zyra Civile Ndërkombëtare dhe EULEX-i, gjë që e kufizon
dukshëm fushëveprimin e operacioneve dhe mund t’i lë të pavënëre nga Avokati i Popullit shumë
shkelje të mundshme të të drejtave të njeriut të kryera nga zyrtarët e institucioneve ndërkombëtare .
Pavarësia e Revizorit të Përgjithshëm duket të jetë në rrezik, ngase Revizori i Përgjithshëm aktual është
emëruar nga Zyra Ndërkombëtare Civile (ZNC) dhe ngase duket të mos ketë mjete juridike për
Revizorin e Përgjithshëm që të ushtrojë ankesë nëse ai/ajo shkarkohet nga ZNC. Ngjashëm me Avokatin
e Popullit, në përgjithësi ekziston një mospajtim me rekomandimet dhe raportet e Revizorit të
Përgjithshëm, gjithashtu me gjasë që nuk parashihen sanksione, nëse autoriteti publik nuk i përmbahet
rekomandimeve të Avokatit të Popullit. Gjithashtu, në Kuvendin e Kosovës diskutohet shumë pak për
të gjeturat e Revizorit të Përgjithshëm, gjë që tregon se Kuvendi i Kosovës nuk i kushton rëndësi
raporteve të Revizorit të Përgjithshëm. Marrëdhënia ndërmjet Revizorit të Përgjithshëm dhe Komisionit
Mbikëqyrës të posa themeluar duhet të zhvilohet ende, ndërsa nuk është e qartë akoma, nëse struktura
aktuale e komisionit do të vazhdojë të ekzistojë pranë Kuvendit. Revizori i Përgjithshëm, gjithashtu
përballet me ndarjen e pamjaftueshme të burimeve dhe mungesën e mbështetjes nga qeveria.
Si në rastin e Avokatit të Popullit, operacionet e Revizorit të Përgjithshëm lidhur me institucionet e
sigurisë mund të kompromitohen me kërkesat ligjore për klasifikimin e informatave dhe mundësinë
(veçanërisht Agjencia e Kosovës për Inteligjencë) për të ndikuar në procedurat e verifikimit të sigurisë
për zyrtarët e Zyrës së Revizorit. Format tjera të mundshme të ndërhyrjeve të qeverisë në operacionet e
Revizorit të Përgjithshëm, si vonimi i publikimit të raporteve, “korrigjimi” i raporteve dhe presioni mbi
zyrtarët e tij (madje edhe mbi Zëvendës Revizorin e Përgjithshëm) e minojnë kredibilitetin e Revizorit të
34