Indpendent Agencies Report - Alb, Ser, Eng.pdf - QKSS

Legjislacioni që e rregullon Institucionin e Avokatit të Popullit është rishikuar nga UNMIK-u në shkurt
të vitit 2006. Ky legjislacion zbatohet akoma, ndonëse tani duhet të interpretohet në pajtim me dispozitat
e Kushtetutës së Republikës së Kosovës së 15 qershorit 2008. 15 Statusi ligjor i pavarur dhe kompetencat e
Avokatit të Popullit mbeten pothuajse plotësisht të njëjta si më parë. Megjithatë, sipas legjislacionit të ri,
nuk ekziston më mundësia që Avokati i Popullit të përmbyllë marrëveshje me KFOR-in dhe të shtrijë
juridiksionin e tij mbi shkeljet e të drejtave të njeriut që i atribuohen KFOR-it. Sa i përket rasteve, ku
është i përfshirë UNMIK-u, Avokati i Popullit ka juridiksion vetëm në bazë të marrëveshjeve bilaterale
me PSSP-në. Prandaj, që nga viti 2006, juridiksioni i Avokatit të Popullit kufizohet në institucionet e
Kosovës, që në atë kohë përfshinte Institucionet e Përkohshme Vetëqeverisëse në Kosovë, të themeluara
me Kornizën Kushtetuese për Vetëqeverisjen e Përkohshme në Kosovë, në vitin 2001 dhe e cila, që nga
shpallja e pavarësisë së Kosovës më 17 shkurt 2008, përfshin institucionet publike të Republikës së
Kosovës. Avokati i Popullit është pajisur me një sërë kompetencash të reja, të cilat, megjithatë mbeten
“kompetenca të buta”, p.sh. t’i këshillojë institucionet e Kosovës për çështjet e të drejtave të njeriut, të
bëjë rekomandime në lidhje me legjislacionin dhe të përgatisë raporte për gjendjen e të drejtave të
njeriut në Kosovë. Elementet e reja përfshinë të drejtën për vlerësimin e legjislacionit që të jetë në
përputhje me standardet ndërkombëtare për të drejtat e njeriut, përveç ekzistimit të kompetencës për
hetimin e shkeljeve apo abuzimeve të të drejtave të njeriut nga vetë institucionet e Kosovës.
Ombudspersoni mban të drejtën për qasje dhe kontrollimin e dosjeve dhe dokumenteve të cilitdo
institucion të Kosovës dhe mund të hyjë dhe kontrollojë çdo vend ku njerëzit janë privuar nga liria e
tyre. Megjithatë, përcaktohet në mënyrë të qartë, që Avokatit të Popullit mund t’i mohohet qasja në
dokumente, nëse lëshimi i informatës së tillë kufizohet me legjislacionin për mbrojtjen e të dhënave
personale. Për më tepër, kur Avokati i Popullit vie në përfundim, pas hetimeve, që të drejtat e caktuara
janë shkelur ose autoriteti i caktuar është keqpërdorur, atëherë Avokati i Popullit kufizohet ende në
dorëzimin e rekomandimeve institucionit publik përkatës. Madje, edhe nëse vetë Avokati i Popullit e
kontakton drejtpërsëdrejti autoritetin publik lidhur me ankesën ose rekomandon pezullimin e
ekzekutimit të vendimit në fjalë, sepse mund të ketë pasoja të riparueshme, por kjo jodomosdoshmërisht
nënkupton, që autoriteti publik përkatës duhet ta zbatojë rekomandimin e propozuar nga Avokati i
Popullit. 16 Nëse, pas rekomandimeve të bëra nga ana e Institucionit të Avokatit të Popullit, autoriteti
publik nuk vepron në pajtim me rekomandimin, i vetmi mjet juridik në dispozicion të Avokatit të
15 Rregullorja e UNMIK-ut, nr. 2006/6 për Institucionin e Avokatit të Popullit në Kosovë, të ndryshuar me Rregulloren e
UNMIK-ut nr. 2007/15.
16 Po aty, nenet 4.6 dhe 4.7.
9