Indpendent Agencies Report - Alb, Ser, Eng.pdf - QKSS

3. Të shtohet presioni mbi qeverinë për t’u përmbajtur nga ndërhyrjet politike te
institucionet e pavarura, p.sh. diskutimet e rregullta në komision dhe seanca plenare, për
funksionimin e institucioneve të pavarura dhe kontrollin e vëmendshëm të ministrave
qeveritar për ndërhyrjet e tyre të pavend;
4. Të ngritet cilësia e ligjeve për të siguruar qartësinë dhe koherencën e legjislacionit, duke
minuar në këtë mënyrë mundësinë e dykuptimësisë dhe abuzimeve;
II. Auditori i Përgjithshëm
1. Të krijojë mekanizma ligjorë mbrojtës, për të siguruar, që Revizori i Përgjithshëm të mos i
nënshtrohet ndikimit politik nga Përfaqësuesi Ndërkombëtarë Civil;
2. Të krijojë mekanizma sanksionues, nëse autoriteti publik nuk i përmbahet rekomadimeve
të Revizorit të Përgjithshëm, p.sh. të përfshijë formë të re të veprës penale në Kodin e
Përkohshëm të Procedurës Penale të Kosovës, të reduktojë ndarjen e buxhetit autoriteteve
publike përkatëse, të ndajë qartë përgjegjësitë e zyrtarëve të lartë të pushtetit publik, për
të siguruar përmbajtjen ndaj rekomandimeve dhe sanksionimin e detyrueshëm disiplinor
të zyrtarëve të lartë, në rast të mosbindjes ose mosmbajtjes së vazhdimësisë;
III. Qeveria
1. Të përmbahet nga ndikimet politike mbi organet e pavarura dhe ndërhyrjet në
përmbajtjen e raporteve dhe të gjeturave të bëra nga institucionet e pavarura;
2. Të sigurojë burime adekuate finaciare dhe njerëzore për institucioneve e pavarura;
3. Të krijojë nivele konkurruese të pagave, me mundësi të tërheqjes dhe mbajtjes së
personelit të kualifikuar dhe profesional në institucionet e pavarura;
IV. Agjencia e Kosovës për Inteligjencë
1. Të sigurojë, që Agjencia e Kosovës për Inteligjencë (AKI) menjëherë të miratojë dhe
publikojë rregullat dhe procedurat në bashkëpunim me Avokatin e Popullit, sa i përket
ankesave të ushtruara kundër AKI-së, siç kërkohet me ligj;
36