Create successful ePaper yourself
Turn your PDF publications into a flip-book with our unique Google optimized e-Paper software.
Портрет на уредникот<br />
Билдинг на умот<br />
Пред извесно време забележав дека<br />
местата што ги посетувам ги помнам<br />
по мојата емотивна состојба што<br />
преовладувала на патувањето. Па,<br />
така, ако некој град сум го посетила тажна или<br />
потиштена, кога ме мачело нешто, никогаш не<br />
можам да го доживеам како преубаво место, колку<br />
и да било магично. Затоа, додека го подготвувавме<br />
овој број и имав можност да слушнам две млади и<br />
успешни девојки, кои избраа храбро да зборуваат<br />
за своите психолошки состојби, чувствував<br />
огромна почит за нивната храброст.<br />
Во земја во која најчесто родителите нè<br />
советуваат дека никој не треба да знае како се<br />
чувствуваме, навистина е реткост некој да одлучи<br />
дека нема да влезе во тие шаблонски рамки и со<br />
својот пример ќе инспирира некого да побара<br />
помош. Во рубриката „Моја борба“ Николина<br />
Мицкоска својата лична борба со депресијата,<br />
што лекарите ѝ ја дијагностицирале на 19 години,<br />
ја опиша со надеж дека конечно менталното<br />
здравје и грижата за него, ќе излезат од стигмата<br />
длабоко втемелена во општеството. „За жал,<br />
во мојата битка со депресијата и анксиозноста<br />
изгубив неколку блиски личности. Губењето на<br />
пријателството го поднесов многу тешко, но со<br />
текот на времето сфатив дека не може секој да<br />
ја разбере ситуацијата, ниту, пак, е емоционално<br />
подготвен да се соочи со такво нешто.“<br />
Со Мартина Марковска, девојката од насловната<br />
страница, сме соработувале многупати, таа<br />
била дел од многу наши модни едиторијали и<br />
секогаш сме биле презадоволни од нејзината<br />
професионалност и посветеност. Затоа особено<br />
ме радува, што таа во нас препозна медиум<br />
преку кој на најотворен начин може да ја прати<br />
пораката дека анксиозноста, паничните напади и<br />
депресијата можат да му се случат секому и дека<br />
единствена правилна одлука е да побараш помош<br />
најбрзо што можеш. „Срцето ти чука толку силно<br />
што мислиш дека ќе ти излезе од градите. Се<br />
потиш интензивно, губиш рамнотежа, се бориш за<br />
здив и помислуваш дека ќе умреш. Сето ова трае<br />
од 5 до 30 минути, што ти изгледаат како вечност.<br />
Стравувањето дека пак ќе добиеш паничен напад<br />
е причината што се појавува повторно. И така<br />
влегуваш во оној ’магичен круг‘ за кој мислиш<br />
дека нема излез. Од моето искуство, не постои<br />
правило, кога, каде и со кој интензитет ќе добиеш<br />
паничен напад.“<br />
За крај, сакам да ви посакам месец исполнет со<br />
сопствен мир и себеразбирање. Зашто, како што<br />
е важно и сите интензивно работиме на правење<br />
„тело за на одмор“, многу поважно е и да работиме<br />
на дух за секаде. Како што секое лето си даваме<br />
шанса дека следното ќе изгледаме подобро и<br />
вистински веруваме во тоа, така секое утро се<br />
надеваме дека денот ќе го почнеме со мирна глава<br />
и со спокојни мисли. Но, треба да сфатиме дека и<br />
за тоа треба вредно да работиме и да се радуваме<br />
на секој мал чекор во вистинскиот правец.<br />
Ружица Антиќ<br />
10