Portret Magazine No 31

СИТНИ ДЕТАЛИ ШТО ЈА
ПРАВАТ СВАДБАТА
Покрај големите, очигледни нешта за договарање
околу вашата свадба, како просторот, музиката,
одлуката околу облеката, има уште многу детали
што, иако на прва нема да ви се чинат како нешта што ќе
ви зададат маки, добро е да не ги потценувате, најмногу
поради нивниот број. Покани, декорации за маси, за домот,
за гостите, бидермаер, бонбончиња и сличните ситници
се само дел од нив. Најдобро е да одлучите што сѐ сакате
да вклучите во свадбената прослава согласно буџетот и
можностите (сѐ што изгледа добро на „Пинтерест“ нема да
изгледа добро и во реалност), а потоа да се одлучите за
стилот во кој сакате сѐ да биде поврзано. Одберете палета
од бои во чиишто рамки ќе ги декорирате сите детали за
да бидете сигурни дека ништо нема да отскокнува и да
изгледа неприродно.
Некои од глобалните трендови за кои се одлучуваат
паровите оваа година се рустичен, минималистички
или бохо декор, но неизбежни се и класичните мотиви.
Изберете или креирајте го изгледот за поканите (хартиени
или електронски покани што се сѐ почеста практика) и
во сличен стил изработете ги и картичките за оброците;
изберете декор во сличен стил и за уредувањето на салата,
додавајќи свеќи, балони или други декорации по желба;
цветните аранжмани усогласете ги со бидермаерот, што
може да биде класичен букет, минималистички букет
сочинет од еден лист филодендрон, на пример, букет со
сукуленти и сл. Почнете со планирање навреме и овие
ситни детали ќе ви бидат задоволство, а не измачување.
20
Во соработка со