Portret Magazine No 31

ВРВНИ ТРЕТМАНИ ЗА ЛИЦЕ СО ФРАНЦУСКАТА
КОЗМЕТИКА AURIEGE PARIS ВО
Miss EN
Редовната нега на лицето е неопходна за здрав изглед на кожата, поцврст тонус, поголема еластичност, а со сето
тоа и поголема убавина. Не залудно се вели дека убавите жени се негувани жени, а еден од чекорите кон оваа
цел се третманите за лице.
Козметичкото студио „Мис Ен“ нуди мноштво третмани за лице кои одговараат на индивидуалните потреби и на
потребите на кожата според нејзиниот тип. Независно за кој третман ќе се одлучите, едно нешто заедничко за
секој од нив е што се прават исклучиво со француската органска козметика Auriēge Paris. „Мис Ен“ е единствен
застапник на оваа висококвалитетна козметика, која освен преку третманите можете да ја испробате и преку
некој од многубројните производи од богатата линија на Auriēge Paris што можете да ги купите во салонот.
Еден од најинтересните и сѐ почесто барани третмани е Oxy третманот. Со текот на годините циркулацијата
на крвта во организмот е сѐ послаба, а тоа резултира со сѐ помалку кислород до клетките поради што тие не
функционираат оптимално. Токму затоа уредот Oxy е највисоко достигнување на технологијата за примена на
кислород при подмладување на кожата.
Она што го прави Oxy уредот посебен се многуте технолошки иновации, меѓу кои и:
- директна примена на кислородот на кожата во највисока можна концентрација, од 95%;
- примена на кислородот со истовремена абразија и масажа на лицето и телото;
- благодарение на абразијата, кислородот продира во најдлабоките слоеви на кожата, што може да се
спореди со мезотерапија со кислород;
- постојано производство на свеж кислород без резервоари како другите уреди со слична примена.
Поради сите овие и уште повеќе технолошки карактеристики, Oxy уредот целосно го промени начинот на примена
на кислородот за подмладување на кожата. Воедно станува збор и за најлуксузниот третман со кислород.
70