You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ID<br />
Имам поминато дванаесет години во формално,<br />
специјализирано образование, од кои вторите шест<br />
години од ова образование билe убедување дека сѐ што<br />
ме учеле првите шест години било тотално погрешно. Оваа<br />
контрадикција ме наведе по трипати да се преиспитувам и да<br />
ги проверувам фактите пред да ги прифатам нештата.<br />
„МОЕТО СОНЦЕ“<br />
„Моето сонце“ е проект во развој, не е завршен и не знаеме<br />
дали ќе се заврши некогаш. Но, идејата е да се покаже дека<br />
група луѓе се обидува да создаде утопија како сонце за некој<br />
што го нема. Проектот од еден аспект е истражување што<br />
следи научни методи што се користат на слични проекти од<br />
аероинженерството, но бидејќи овој проект нема да може да<br />
се користи масовно, неговата главна цел е да пренесе порака<br />
и да инспирира други луѓе да реализираат слични проекти.<br />
Проектот дава пример како луѓе со ист интерес од разни<br />
страни од светот можат да соработуваат преку мрежи на<br />
краудсорсинг и краудфандинг и да реализираат вредности<br />
или продукти на начин што не бил претходно достапен. А<br />
главната метафора на проектот е важноста на употребата на<br />
сончевата енергија, односно големата економска промена<br />
во современото општество, што се стреми да го замени<br />
производството на енергија од горива, со одржливите извори<br />
на енергија како сонцето.<br />
ЖЕЛБИТЕ СЕ ОСТВАРУВААТ...<br />
„Желбите се остваруваат“ е изложба што се состои од<br />
реконструкција на работилницата на Дедо Мраз, што се<br />
наоѓа во Лапонија, соба полна со маси, а на масите писма<br />
со желби од целиот свет. Посетителите можат да седнат и<br />
да ги читаат желбите на децата од целиот свет, но на масата<br />
стои и книга со статистичко истражување на желбите, каде<br />
што може да се види дека желбите кои децата ги посакувале<br />
се создадени или наметнати од контекстот во кој живеат.<br />
Изложбата и истражувањето се наменети за да ја подигнат<br />
свеста, за тоа како општеството влијае врз нашите лични<br />
избори и желби и како нашите желби се рефлектираат во<br />
општеството.<br />
СНЕГ<br />
„Снег“ е серија фотографии од снег, фотографирани на<br />
над сто различни локации низ светот. Од големи градови<br />
како Стокхолм, Хелсинки, села во Лапонија, до познати скицентри<br />
како Кортина, Инсбрук. Фотографиите се намерно<br />
фотографирани со подолга експозиција за филмот да биде<br />
тотално бел, така што при принтање хартијата излезе од<br />
принтерот иста каква што била и пред принтање. Проектот<br />
содржи процес на продукција како нормален фотографски<br />
проект што следи одредена тема, но визуелно не претставува<br />
ништо. Проектот е да се пренесе вредноста од уметничкото<br />
дело, на личното искуство на гледачот. Главниот дел од<br />
делото да биде имагинацијата и субјективната вредност<br />
што ја создава гледачот. На пример, ако некој го поминал<br />
детството скијајќи на Маврово, во белата фотографија<br />
од снегот од Маврово го гледа сопственото искуство и<br />
сеќавањето на Маврово.<br />
ЕДНА И ЕДИНСТВЕНА<br />
Земајќи ја дефиницијата на љубов од енциклопедија јас само<br />
го ставам гледачот во контекст да си ја преиспита својата<br />
дефиниција на љубовта. Додека ја чита дефиницијата<br />
гледачот автоматски се сеќава на своите најемотивни<br />
искуства и така тие стануваат дел од делото, па затоа делото<br />
е насловено „Една и единствена“, зашто секој има свое<br />
незаменливо искуство. Токму ова сакав да го пренагласам<br />
и да го претворам во уметничко дело. Ова дело е и некаков<br />
вид критика или надополнување на концептуалните дела<br />
на Џозеф Косут, кој со делото „Еден и три стола“, каде што<br />
зема еден стол, фотографија од истиот стол и дефиниција<br />
од речник што е стол, кажува дека важен е концептот за кој<br />
се зборува, а не како е претставен. Ова дело кажува дека<br />
и работите што не ги кажуваме имаат исто значење како<br />
тие што ги кажуваме, но важно е да си ги преиспитуваме<br />
вредностите и да ги редефинираме, ако е потребно.<br />
НАЈГОЛЕМ ПРЕДИЗВИК<br />
Кога го почнав проектот „Моето сонце“ прво отидов во<br />
скандинавските земји, за кои овој проект е наменет, но во<br />
две години, чукајќи на врати, речиси секаде го добивав<br />
истиот одговор: „Супер идеја, ама тука никој нема да ти даде<br />
пари за тоа“. Во Скандинавија луѓето се многу рационални<br />
и штедливи и не се навикнати да трошат пари и време на<br />
утопии. Тогаш размислував да се откажам од проектот, но<br />
кога се вратив во Италија и ме прашаа каде сум бил и што<br />
сум правел, им кажав, а некои куратори и колекционери<br />
препознаа одлична идеја и вложија пари за да почнеме да<br />
работиме. Тука, на луѓето би им било подраго да трошат пари<br />
за утопии отколку да штедат. Подоцна проектот го поделив на<br />
низа работилници и секоја работилница беше во соработка<br />
со друга институција или друг универзитет и проектот одеше<br />
нанапред, но секој стадиум беше покомплициран и поскап<br />
од претходниот. Последните неколку години не можам<br />
да најдам доволно буџет да се направи некое значајно<br />
унапредување, но не значи дека нема шанси тоа да се случи<br />
во иднина.<br />
УМЕТНОСТА Е СЛОБОДА<br />
Уметноста е ослободување, ослободување од идеите<br />
што ни се вртат низ глава и барање истомисленици кои се<br />
борат за истите идеи што ни се вртат низ глава. Уметноста<br />
е борба, борба за изгубените вредности и можните иднини.<br />
Уметноста е крик, искажување на идеите на пренагласен<br />
начин, да бидеме колку што е можно подалеку слушнати и<br />
појасно разбрани.<br />
НИКОЛА, ГРАЃАНИН НА СВЕТОТ<br />
Роден сум во држава што денес не постои, а имам живеено во<br />
градови и држави што се толку различни едни од други, што<br />
се речиси неспоредливи, така што сигурно имам изгубено<br />
каков било национален идентитет. Секаде се чувствувам<br />
како странец, бидејќи не се вклопувам во локалната култура,<br />
но секаде низ светот имам пријатели кои ми прават чувство<br />
дека секаде сум дома. Проектите што ги работам се најчесто<br />
во соработка со луѓе од целиот свет, се продуцираат или<br />
комуницираат на разни локации и во различни контексти.<br />
Наменети се да отворат дискурс на актуелни теми<br />
што продолжувам да ги обработувам, преиспитувам и<br />
редефинирам.<br />
97