Create successful ePaper yourself
Turn your PDF publications into a flip-book with our unique Google optimized e-Paper software.
ПРИКАЗНАТА ЗАД БРЕНДОТ-МЕДУЗА<br />
ЧЕТИРИ ДЕЦЕНИИ ОД ПРВАТА РЕВИЈА НА ВЕРСАЧЕ<br />
Пишува: Џејлан Рустемоска<br />
Oд шивачката работилница на неговата мајка во<br />
Калабрија, до црвениот тепих во Лос Анџелес,<br />
приказната за Џани Версаче е клучно парче од<br />
мозаикот наречен made in Italy, но и важно поглавје од<br />
историјата на модата во светски размери. Низ неговиот<br />
концепт италијанската мода се развива во вистинската<br />
насока: не само парчиња внимателно дизајнирана облека<br />
туку цел универзум во кој се испреплетуваат уметност,<br />
култура, историја и имагинација. Неговата трагична<br />
смрт пред околу дваесет години само му додаде доза<br />
мистериозност на неговиот лик, праќајќи го порано<br />
од очекуваното во историјата на модните митови на<br />
дваесеттиот век.<br />
Џовани Марија Версаче, подобро познат како Џани, е<br />
роден во Реџо Калабрија непосредно по завршувањето<br />
на Втората светска војна. Уште од мали нозе се одликува<br />
со љубопитност и желба за создавање, надминување на<br />
границите на возможното и откривање на нови хоризонти.<br />
Шивачката работилница на неговата мајка на улицата<br />
„Томазо Гули“, број 3, е неговото омилено катче каде што<br />
ја храни својата креативност и учи како да создава чуда со<br />
своите раце. Мајка му важи за најдобра шивачка во градот<br />
и воопшто не е загрижена кога учителките ѝ укажуваат на<br />
неговата опседнатост со италијанските филмски диви,<br />
чиишто силуети честопати се наоѓаат во тетратките на Џани,<br />
наместо домашните задачи. Едноставно, тие не знаат да ја<br />
препознаат смислата за естетика и мода на нејзиниот син.<br />
Како што минуваат годините, Џани сѐ повеќе се оддалечува<br />
од формалното образование, а сѐ повеќе се приближува до<br />
остварување на сонот. Цела своја креативност ја испробува<br />
на неговиот омилен модел, неговата помала сестра, муза<br />
и сојузник во секој потфат, Донатела Версаче. Неговиот<br />
префинет вкус ќе го донесе најдоброто од актуелните прета-порте<br />
колекции на Genny, Callaghan, Florentine Flowers и<br />
Chloé во семејниот бутик. Локалните госпоѓи опседнати со<br />
мода го доживуваат младиот Џани како бог и безрезервно<br />
се потпираат на неговите модни совети.<br />
Кога има 25 години тој ја напушта родната Калабрија и<br />
се сели на север, во Милано, градот што речиси преку<br />
ноќ станува светска модна метропола, еволуција за која<br />
и самиот ќе одигра важна улога. Најпрвин соработува<br />
со најпознатите конфекциски куќи, а набрзо, заедно со<br />
неговиот постар брат Санто ги поставуваат темелите на<br />
семејната модна куќа. Во 1978 година се случува првата<br />
62
Change language