Create successful ePaper yourself
Turn your PDF publications into a flip-book with our unique Google optimized e-Paper software.
Портрет мода<br />
официјална самостојна ревија за женската колекција<br />
на Џани Версаче во палатата на Перманенте во Милано,<br />
а ефектот врз публиката ги надминува очекувањата на<br />
младиот дизајнер. „Версаче“ буди восхит и го остава<br />
светот гладен за повеќе. Кога го прашуваат за изворот на<br />
инспирација, Џани одговара дека за сѐ е заслужна неговата<br />
Калабрија и сведоштвата за славното минато на грчката<br />
и римската империја. Токму слободната комбинација на<br />
декоративни елементи од различни уметнички епохи го<br />
дефинира неговиот единствен стил, па така во неговите<br />
колекции можат да се најдат елементи од ренесансата,<br />
барокот, па сѐ до поп-арт уметноста. Не само за линиите<br />
туку и за материјалите, од преработена кожа во различни<br />
бои, преку култната метална мрежа што и денес е заштитен<br />
знак на брендот, па сè до свила во шарени, иновативни<br />
дезени. За заштитен знак на брендот, „Версаче“ неслучајно<br />
ја одбираат медузата од грчката митологија, алудирајќи на<br />
моќта на брендот да го маѓепса и да го зароби во својот<br />
свет секој што барем еднаш ќе се препушти на нивната<br />
фантазија.<br />
Производ на креативната смелост на Џани Версаче е една<br />
поинаква жена, изразито секси и гламурозна, која остава<br />
важен печат врз модната естетика на осумдесеттите и<br />
деведесеттите години. За да ја претстави пред светот<br />
ги одбира топ-моделите, дури според многумина токму<br />
Версаче ги измислува супермоделите кои гордо ги носат<br />
неговите колекции: Наоми Кембел, Синди Крафорд,<br />
Кристи Тарлингтон, Линда Евангелиста, на кои подоцна<br />
им се приклучуваат Клаудија Шифер и Карла Бруни,<br />
сите протагонистки на револуционерните рекламни<br />
кампањи за „Версаче“, кои го носат потписот на некои од<br />
најславните фотографски имиња од деведесеттите. На<br />
листата приврзаници на брендот не изостануваат и славни<br />
имиња како Елтон Џон, Џорџ Мајкл, Стинг, Мадона, па<br />
дури и Леди Ди, верен фан на линијата на висока мода<br />
„Atelier“. Креативноста на Џани Версаче го премостува<br />
светот на модата и се проширува на линии за ентериер и<br />
декор, како и креации на костими за театарски претстави<br />
и опера, полиња на уметноста што уште во раното детство<br />
за дизајнерот стануваат извор на инспирација и нови<br />
предизвици. Палатите на Џани Версаче во Милано, Комо и<br />
Мајами се храмови во кои се слави неговата естетика што сѐ<br />
до последните денови од неговиот живот ќе се развива во<br />
нови форми и димензии.<br />
И токму кога Џани Версаче се наоѓа на врвот на својата<br />
кариера и се чини невозможно да се заузди неговата<br />
креативна генијалност, се случува трагедија. Во едно<br />
сосема обично сончево утро во Мајами, враќајќи се од<br />
кратка прошетка, Џани Версаче е смртно застрелан пред<br />
влезот на неговата вила Каза Казуарина од страна на<br />
серискиот убиец Ендрју Каненан. По смртта на Џани, што и<br />
понатаму останува обвиена во мистерија, целата модна куќа<br />
ја губи рамнотежата што токму неговата сестра Донатела<br />
Версаче ќе успее да ја воспостави повторно, најпрвин<br />
работејќи во сенката на споменот на нејзиниот брат, а<br />
подоцна ослободувајќи се од притисокот да биде како него<br />
и давајќи му сопствен печат на семејниот бренд. И нејзина<br />
заслуга е што брендот-медуза што се раѓа од малечката<br />
шивачка работилница во Калабрија и визијата на Џани<br />
Версаче, денес е вистинска семејна империја што, покрај<br />
модни колекции, вклучува линија парфеми, скапоцен накит,<br />
ентериер, па сѐ до синџир луксузни хотели.
Change language